قالادا الدىنعى شەپتەگى پوليسيا بولىمشەلەرى اپتا سايىن رەيدتەر جۇرگىزەدى.
الماتى پوليسياسى ازاماتتاردىڭ كولىك بۇزاقىلارىنا شاعىمدانا الاتىن «سەنىم تەلەفونىن» ىسكە قوستى، دەپ حابارلايدى Almaty-akshamy.kz.
الماتى قالالىق پوليسيا دەپارتامەنتى باسپا ءسوز قىزمەتى ءمالىم ەتكەندەي، قولايلى اۋا رايى جاعدايىنىڭ باستالۋىمەن كولىكتى جىلدام جانە قاتتى جۇرگىزۋدى جاقسى كورەتىندەر دە بەلسەندى بولا باستاعان. بۇل ءوز كەزەگىندە جول قوزعالىسى ەرەجەلەرىن بۇزۋعا اكەپ سوعادى جانە كوپ جاعدايدا تۇرعىنداردىڭ تىنىشتىعىن بۇزادى، اسىرەسە تۇنگى مەزگىلدە ەلدىڭ مازاسىن الادى.
«جاستار ءقاۋىپ تۋدىرا وتىرىپ، قالا كوشەلەرىندە جارىس ۇيىمداستىرادى. سونىمەن قاتار، ولار كولىكتەرىن قايتا جابدىقتايدى، تىيىم سالىنعان جابدىقتى، ونىڭ ىشىندە اسىرەسە تۇندە قاتتى دىبىس شىعاراتىن رەزوناتورلاردى ورناتادى. بۇل قالا تۇرعىندارىنىڭ ءادىل سىنىنا سەبەپ بولادى»، - دەدى الماتى قالاسى پد جەرگىلىكتى پوليسيا قىزمەتى باسقارماسىنىڭ باستىعى، پوليسيا پولكوۆنيگى ماناپ ساتتاروۆ.
سونىمەن قاتار ونىڭ ايتۋىنشا، مۇنداي فاكتىلەردى جويۋ ءۇشىن الدىنعى شەپتەگى پوليسيا بولىمشەلەرى اپتا سايىن رەيدتەر جۇرگىزەدى. قۇقىق بۇزۋشىلىقتارعا جىلدام ارەكەت ەتۋ ءۇشىن سەنىم تەلەفونى دا اشىلىپتى.
«بۇل قۇقىق بۇزۋشىلىقتارعا جەدەل ارەكەت ەتۋ ءۇشىن سەنىم تەلەفونى قۇرىلدى ول - 87783176845. ءبىز جارىسۋشىلار كوپ جينالاتىن جەرلەرگە كوپتەگەن جاساقتاردى شوعىرلاندىرامىز جانە كەز كەلگەن زاڭسىز كورىنىستەردى جويامىز. وسى جۇمىس بارلىق جەردە جالعاسىن تابادى. بۇل شارالار جولدارداعى قاۋىپسىزدىك دەڭگەيىن جاقسارتۋعا باعىتتالعان»، - دەدى ماناپ ساتتاروۆ.