اۆتوكولىك زياندى زاتتاردىڭ شىعارىلۋ شەگىنەن اسىپ كەتسە، كولىك يەسىن قانداي جازا كۇتىپ تۇر؟ بۇل تۋرالى Tengri Auto ءتىلشىسى ۇلتتىق ەكونوميكا مينيسترلىگىنە ساۋال جولداعان.
قازاقستان زاڭناماسىنا سايكەس اۆتوكولىك يەلەرى اتموسفەراعا زياندى زاتتاردىڭ شىعارىندىلارى بويىنشا بەلگىلەنگەن نورمالاردى ساقتاۋعا مىندەتتى.
بۇگىنگى كۇنى شىعارىندىلارىنداعى لاستاۋشى زاتتاردىڭ مولشەرى، سونداي-اق وتالدىرعان كەزىندە شىعاراتىن شۋ دەڭگەيى بەلگىلەنگەن نورماتيۆتەردەن اساتىن اۆتوكولىكتەردىڭ يەسىنە ەسكەرتۋ جاسالادى نەمەسە ايىپپۇل سالۋعا اكەپ سوعادى. سونىمەن ايىپپۇل كولەمى قانداي؟
- جەكە تۇلعالارعا 10 اەك نەمەسە 36 920 تەڭگە؛
- زاڭدى تۇلعالارعا 100 اەك نەمەسە 369 200 تەڭگە.
جازا قولدانىلعاننان كەيiن بiر جىل iشiندە قايتالاپ بۇزعانى ءۇشiن ايىپپۇل سالىنادى:
- جەكە تۇلعالار ءۇشىن – 20 اەك 73 840 تەڭگە؛
- زاڭدى تۇلعالار ءۇشىن – 200 اەك نەمەسە 738 400 تەڭگە.
شىعارىندىلار شەگىنەن اسىپ كەتسە، ءنومىردى الىپ قويۋعا بولا ما؟
«اقبتك-نىڭ 797-بابى 1-بولىگىنىڭ 3 تارماقشاسىندا سۋبەكتىنىڭ اكىمشىلىك جازا قولدانىلعاننان كەيىن ءبىر جىل ىشىندە وسى كودەكستiڭ 334-بابىندا كورسەتىلگەن بۇزۋشىلىقتار جاسالعان كەزدە ۋاكiلەتتi لاۋازىمدى ادام كولiك قۇرالىن پايدالانۋعا تىيىم سالۋ سەبەپتەرi جويىلعانعا دەيiن مەملەكەتتiك تiركەۋ ءنومiرi بەلگiلەرiن الىپ قويۋ ارقىلى كولiك قۇرالدارىن پايدالانۋعا تىيىم سالۋعا قۇقىلى. سونىمەن بىرگە، زاڭ جوباسى اياسىندا اتالعان شارانى زاڭ بۇزۋشىلىقتار باستاپقى انىقتالعان جاعدايدا قولدانۋ ۇسىنىلادى، ويتكەنى قازىرگى ۋاقىتتا زاڭ بويىنشا مۇنداي كولىكتەردى پايدالانۋعا تىيىم سالىنعان»، - دەپ حابارلادى ۇلتتىق ەكونوميكا مينيسترلىگى.
الايدا، ىشكى ىستەر مينيسترلىگى بۇل باستامانى قولدامادى. ويتكەنى كولىكتى جۇرگىزۋ ءۇشىن جۇرگىزۋشى كولىكتى جوندەپ، كولىكتىڭ قالىپتى جاعدايىن ساقتاۋى كەرەك. سايكەس كەلمەگەن جانە قايتالاپ انىقتاعان جاعدايدا مەملەكەتتىك ءنومىر تاركىلەنەدى.
ەستەرىڭىزگە سالا كەتەيىك، «دوڭگەلەكتى كولىك قۇرالدارىنىڭ قاۋىپسىزدىگى تۋرالى» كو 018/2011 تەحنيكالىق رەگلامەنتىنە سايكەس بەنزيندى اۆتوموبيلدەردى تەكسەرۋ كەزىندە گاز اناليزاتورلارىنىڭ كورسەتكىشتەرى كەلەسى CO ستاندارتتارىنان اسپاۋى كەرەك:
*nmin (ەڭ از اينالىمدار) – 1100 اين/مين، M1 جانە N1 ساناتىنداعى اۆتوموبيلدەر ءۇشىن، 900 اين/مين – باسقا ساناتتاعى اۆتوموبيلدەر ءۇشىن؛
* npov (جىلدامدىقتى ارتتىرۋ) - 2000–3500 اين/مين دەيىن، M1 جانە N1 ساناتىنداعى اۆتوموبيلدەر ءۇشىن، 2000–2800 اين/مين – باسقا ساناتتاعى اۆتوموبيلدەر ءۇشىن.