فەرمەرلەر نەسيە الۋعا ءوتىنىش بەرىپ جاتىر.
قازاقستاندا كوكتەمگى ەگىس جۇمىستارىن جۇرگىزۋ ءۇشىن شارۋالارعا نەسيە بەرۋ جالعاسادى، دەپ حابارلايدى Almaty-akshamy.kz «بايتەرەك» ۇلتتىق باسقارۋشى حولدينگىنە سىلتەمە جاساپ.
2023 جىلى «كەڭ دالا» باعدارلاماسى بويىنشا كوكتەمگى ەگىس جانە ەگىن جيناۋ جۇمىستارىن قارجىلاندىرۋعا رەسپۋبليكالىق بيۋدجەتتەن 140 ملرد تەڭگە ءبولىندى.
«ءوتىنىمدى قابىلداۋ باستالعان 9 كۇندە اۋىل شارۋاشىلىعى تاۋارىن وندىرۋشىلەردەن جالپى سوماسى 48 ملرد تەڭگەگە 1 مىڭ 211 ءوتىنىم ءتۇستى. تاعى 668 فەرمەر قۇجات جيناپ جاتىر. قارجىلاندىرۋدىڭ كوپ بولىگى – 5،8 ملرد تەڭگە نەسيە سەرىكتەستىكتەرى ارقىلى بەرىلدى. ميكروقارجى ۇيىمدارى ارقىلى فەرمەرلەر 800 ملن تەڭگە راسىمدەدى»، - دەپ جازىلعان حابارلامادا.
بيىل نەسيە الۋدى جەڭىلدەتۋ جانە جەدەلدەتۋ ءۇشىن «اگرارلىق نەسيە كورپوراسياسى» اق قارجىلاندىرۋدى تەك نەسيە سەرىكتەستىكتەرى، ەكىنشى دەڭگەيدەگى بانكتەر جانە ميكروقارجى ۇيىمدارىن قورلاندىرۋ ارقىلى جۇزەگە اسىرىپ جاتىر.
اگروونەركاسىپ سۋبەكتىلەرى ءۇشىن سىياقىسىنىڭ جىلدىق مولشەرلەمەسى 5%-دان اسپايدى.
قارجى جانار-جاعارماي، اۋىل شارۋاشىلىعى تەحنيكاسىن جوندەۋگە قاجەت قوسالقى بولشەكتەر، مينەرالدى تىڭايتقىش، تۇقىم ساتىپ الۋعا جانە ەگىن ەگۋ مەن جيناۋعا ارنالعان وزگە دە ءىس-شارالارعا جۇمسالۋعا ءتيىس.
فەرمەرلەرگە بەرىلەتىن نەسيە بويىنشا تولىق اقپاراتتى «اگرارلىق نەسيە كورپوراسياسى» اق-نىڭ وبلىستىق فيليالدارىنان نەمەسە www.agrocredit.kz سايتىنان الۋعا بولادى.