ازاماتتىق قورعاۋ مەملەكەتتىك جۇيەسىن جەتىلدىرۋ، باسقارۋ ورگاندارىن، كۇشتەر مەن قۇرالداردى الداعى كوكتەمگى سۋ تاسقىنى كەزەڭىنە دايىنداۋ ماقساتىندا اعىمداعى جىلدىڭ 8-9 اقپان ارالىعىندا «كوكتەم-2024» رەسپۋبليكالىق كوماندالىق–شتابتىق وقۋ-جاتتىعۋىن وتكىزۋ جوسپارلانعان، دەپ حابارلايدى almaty-akshamy.kz
وقۋ-جاتتىعۋعا ورتالىق مەملەكەتتىك جانە جەرگىلىكتى اتقارۋشى ورگاندار، وبلىستىق، قالالىق جانە اۋداندىق ازاماتتىق قورعاۋ قىزمەتتەرى، توتەنشە جاعدايلار مينيسترلىگىنىڭ بولىمشەلەرى، ىشكى ىستەر جانە ۇلتتىق ۇلاننىڭ اسكەري بولىمىنەن جەدەل توپتار تارتىلاتىن بولادى. رەسپۋبليكالىق وقۋ جاتتىعۋ شتابى اقتوبە قالاسىندا ورنالاسادى.
اعىمداعى جىلدىڭ 3 اقپانىندا وقۋ-جاتتىعۋدى باسقارۋ شتابىنىڭ باستىعى پودپولكوۆنيك كاحارمان ءورازاليننىڭ باسشىلىعىمەن تجم ورتالىق اپپاراتىنىڭ، اقتوبە وبلىسى تجد قۇرىلىمدىق بولىمشەلەرىنىڭ قىزمەتكەرلەرىنەن قۇرىلعان جەدەل شتاب مۇشەلەرىمەن جۇمىس كەڭەسى وتكىزىلدى.
جۇمىس كەڭەسى بارىسىندا وقۋ-جاتتىعۋدى دايىنداۋ جانە وتكىزۋ بويىنشا ۇيىمداستىرۋشىلىق ماسەلەلەر قارالدى، جەدەل توپتار تەكسەرۋ ءۇشىن ۋچاسكەلەرى مەن باعىتتاردى ايقىندادى، ينجەنەرلىك جۇمىستار جوسپارىنا سايكەس وبلىستا قابىلدانعان الدىن الۋ شارالارى زەردەلەندى.
سونىمەن قاتار وتكىزىلگەن سۋ تاسقىنىنا قارسى ىس-شارالارمەن تانىسۋ ماقساتىندا قوبدا اۋدانىنا كوميسسيالىق شىعۋ جۇزەگە اسىرىلدى. وتكەن جىلعى سۋ تاسقىنى كەزەڭىندە 79 تۇرعىن ءۇي مەن 3 اكىمشىلىك عيمارات سۋ استىندا قالعان بولاتىن، جەرگىلىكتى اتقارۋشى ورگانداردىڭ الداعى سۋ تاسقىنى كەزەڭىنە دايىندىق دەڭگەيى دە تەكسەرىلدى.
اقتوبە وبلىسى تجد داعدارىس ورتالىعىنىڭ بازاسىندا وقۋ-جاتتىعۋ شتابى جەدەل توبىنىڭ جۇمىسى جالعاسۋدا.