باتىرلاردى قۇرمەتتەۋ - ءداستۇر ساباقتاستىعى
2021 جىلدىڭ 16 ماۋسىمىندا مالىك عابدۋللين مۋزەيىنىڭ اۋماعىندا "بەيبىت كۇننىڭ باتىرلارى"اتتى اشىق اسپان استىنداعى كورمەنىڭ اشىلۋى ءوتتى.
بۇل كورمەنىڭ ماقساتى بەيبىت ۋاقىتتاعى باتىرلاردىڭ ەرلىكتەرىنە قۇرمەت كورسەتۋ، ءورت ءسوندىرۋ قىزمەتىنىڭ تاريحىن، ونىڭ ماڭىزىن ءتۇسىندىرۋ بولىپ تابىلادى، دەپ حابارلادى Almaty-akshamy.kz. .
سالتاناتتى شاراعا اكادەميا باسشىلىعى، اقمولا وبلىسىنىڭ تجد، اقمولا وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ وكىلدەرى، اقمولا وبلىسىنىڭ ازاماتتىق قورعاۋ ورگاندارىنىڭ ارداگەرلەرى قاتىستى.
اكادەميا باستىعى، ازاماتتىق قورعاۋ پولكوۆنيگى س.د. ءشارىپحانوۆ قۇتتىقتاۋ ءسوز سويلەدى. ول قازىرگى ۋاقىتتا ازاماتتىق قورعاۋ ورگاندارىن دامىتۋعا كوپ كوڭىل بولىنەتىنىن جانە بەيبىت ۋاقىتتاعى ناعىز باتىرلاردى قولداۋ جانە اسىل كاسىپتىڭ قىزمەتىن ناسيحاتتاۋ وسكەلەڭ ۇرپاق ءۇشىن تاماشا ۇلگى بولىپ تابىلاتىنىن اتاپ ءوتتى.
اشىلۋ سالتاناتىندا قازاقستان رەسپۋبليكاسى ءىىم قۇرمەتتى ارداگەرى، وتستاۆكاداعى پولكوۆنيك س.ا. اسىلبەكوۆ قاتىسۋشىلاردى اكادەميانىڭ قالىپتاسۋ جانە دامۋ حرونيكاسىمەن، فوتوقۇجاتتارمەن جانە بەينەماتەريالدارمەن تانىستىردى.
سونداي-اق، ەكسپوناتتار، ماكەتتەر، ماراپاتتار، ءورت ءسوندىرۋ تەحنيكاسى جانە ءورت ءسوندىرۋشى-قۇتقارۋشىنىڭ جاۋىنگەرلىك كيىمدەرى ۇسىنىلدى.