بيىلدان باستاپ قازاقستان چەمپيوناتىنىڭ اتى دا، زاتى وزگەرەدى.
«ۇلى دودا» دەپ اتالاتىن ىشكى بىرىنشىلىك اياسىندا بىرنەشە ليگا جاساقتالماق. ماسەلەن، جوعارى ليگادا ەڭ ۇزدىك 6 كوماندا ونەر كورسەتەدى. ولار ءار تۋردا ءوزىنىڭ جانە قارسىلاسىنىڭ الاڭىندا وينايدى. سايكەسىنشە، كورەرمەندەر 30-عا جۋىق ماچ تاماشالاي الادى، دەپ حابارلايدى Almaty-akshamy.kz 24.kz-كە سىلتەمە جاساپ.
«بۇعان قوسا، قازاقستان چەمپيوناتىنىڭ ءبىرىنشى جانە ەكىنشى ليگالارى قۇرىلىپ، بارلىق كوكپار كوماندالارىنا بىردەي مۇمكىندىك بەرلىمەك. ياعني جارىسقا قۇجاتى راستالعان اۋىلدىق، اۋداندىق، ءتىپتى جەكەمەنشىك كوماندا دا قاتىسا الادى. سايكەسىنشە، توپ جارعاندارى الداعى ماۋسىمنان باستاپ ءبىر ساتى جوعارىلاپ وتىرادى. «كەلەسى جىلدان باستاپ جوعارى ليگادا وينايتىن كوماندالارعا ءوز يپپودرومى بولۋى مىندەتتەلەدى. سونداي-اق، جاستار مەن جاسوسپىرىمدەر كوماندالارىن قاتار دايىنداۋ تۋرالى شارت قويىلادى»، - دەدى مادەنيەت جانە سپورت ۆيسە-مينيسترى سارسەن قۇرانبەك.