ۇكىمەتتە ءبىرىنشى جارتىجىلدىقتاعى ينفلياسيا قورىتىندىسى شىعارىلدى، دەپ حابارلايدى aqshamnews.kz ۆەدومستۆونىڭ باسپا ءسوز قىزمەتىنە سىلتەمە جاساپ.
ءۇش اپتا قاتارىنان كارتوپ باعاسى 1،3%-عا ارزانداسا، وتكەن اپتادان ءسابىز باعاسى 0،9%-عا تومەندەي باستادى
بەلگىلى بولعانداي، ەرتە پىسكەن ءونىمدى جاپپاي جيناۋ باستالىسىمەن، الدىن الا كۇتىلگەندەي، الەۋمەتتىك ماڭىزى بار كوكونىستەر باعاسىنىڭ ءوسۋى توقتاپ قانا قويماي، تومەندەي باستاعان.
"ەگەر ساۋىردە الەۋمەتتىك ونىمدەردىڭ ورتاشا باعا يندەكسى 1،6%-دى قۇراسا، مامىردا ءوسۋ قارقىنى 1%-عا، ال ماۋسىمدا - 0،7%-عا تومەندەدى. سوڭعى اپتادا ءوسىم نەبارى 0،1% بولدى. سونىمەن قاتار، ءۇش اپتا قاتارىنان كارتوپ باعاسىنىڭ 1،3%-عا تومەندەۋى بايقالدى. وتكەن اپتادان ءسابىز باعاسى 0،9%-عا ارزانداي باستادى. كۇرىش، قاراقۇمىق، جۇمىرتقا، ۇن مەن ماكورون ونىمدەرىنىڭ باعاسى ءتۇسىپ جاتىر. نان مەن ءسۇت باعاسى تۇراقتى بولىپ تۇر"، دەدى ساۋدا جانە ينتەگراسيا ءبىرىنشى ۆيسە-مينيسترى ايجان بيجانوۆا.
قازاقستاندا وتاندىق ازىق-تۇلىك ءوندىرىسى ارتىپ كەلەدى. 2025 جىلدىڭ 5 ايىندا ونىڭ كولەمى 10،5%-عا ءوسىپ، 1،5 ترلن تەڭگەنى قۇرادى.
الەۋمەتتىك ازىق-تۇلىك تاۋارلارىنىڭ ىشىندە ەڭ كوپ ءوسىم مىنا ازىق-تۇلىك تۇرلەرىنە تيەسىلى:
قىزىلشا قانتى (4،6 مىڭ توننادان 64 مىڭ تونناعا دەيىن)؛
وسىمدىك مايى (316،3 مىڭ توننادان 376،8 مىڭ تونناعا دەيىن)؛
سارى ماي (13 مىڭ توننادان 15 مىڭ تونناعا دەيىن)؛
ۇن (1،3 ملن توننادان 1،4 ملن تونناعا دەيىن)؛
اشىتىلعان ءسۇت ونىمدەرى (102 مىڭ توننادان 106 مىڭ تونناعا دەيىن)؛
وڭدەلگەن ءسۇت (264 مىڭ توننادان 274،6 مىڭ تونناعا دەيىن).
اقىلى قىزمەتتەر ءبىرىنشى جارتىجىلدىقتا ينفلياسيا ءوسىمىنىڭ نەگىزگى فاكتورى بولدى (16،1%). وسىعان بايلانىستى ۇكىمەت كوممۋنالدىق قىزمەتتەر ءتاريفىنىڭ ءوسۋ قارقىنىن رەتتەۋ تۋرالى شەشىم قابىلدادى. ولاردىڭ ءوسۋىن ءىشىنارا كەيىنگە قالدىردى.
بۇل ازاماتتاردىڭ قارجىلىق جۇكتەمەسىن ازايتۋعا جانە ينفلياسيا دەڭگەيىن تۇراقتاندىرۋعا مۇمكىندىك بەرەدى، دەيدى ۇكىمەتتەگىلەر.