الماتىنىڭ ىرگەسىندەگى كوكجايلاۋ بەتكەيىندە ءىرى قار كوشكىنى ءجۇردى.
«كازسەلدەنقورعاۋ» مەكەمەسىنىڭ مالىمەتىنشە، قاردىڭ كولەمى شامامەن 50 مىڭ تەكشە مەترگە جەتكەن. ايماقتاعى تولاسسىز جاۋىن-شاشىن مەن كۇننىڭ جىلىنۋىنان قار كۇرت ەرىپ، سوڭعى كۇندەرى ىلە-الاتاۋى بەتكەيلەرىندە بىرنەشە قار كوشكىنى تىركەلدى، دەپ حابارلايدى Almaty-akshamy.kz 24.kz-كە سىلتەمە جاساپ.
«ەڭ ۇلكەن قار كوشكىنى قوتىربۇلاق وزەنىنىڭ باسسەينىندە بولدى، وندا كولەمى 400 مىڭ تەكشە مەتر قار ءتۇستى»، - دەيدى ماماندار.
ءقازىر قاۋىپسىزدىكتى قامتاماسىز ەتۋ ماقساتىندا قار كوشكىنى ءقاۋپى بار ايماقتارعا تۇرعىندار مەن دەمالۋشىلاردىڭ كىرۋىنە شەكتەۋ قويۋ ءۇشىن باقىلاۋ-وتكىزۋ بەكەتتەرى ورناتىلدى. مۇنداي كوشكىندەرگە تاپ بولعان ادامداردى قۇتقارۋ مۇمكىندىگى از بولعاندىقتان ماماندار الداعى كۇندەرى تاۋلى ايماقتاردا جاياۋ جۇرمەۋگە كەڭەس بەرەدى.