ەرتەڭنەن باستاپ Ashyq قوسىمشاسىندا كوك مارتەبەمەن جۇرگەن تۇرعىندار ساۋدا ورتالىقتارى، ويىن-ساۋىق كەشەندەرى، بانكتەر، حالىققا قىزمەت كورسەتۋ ورتالىقتارى مەن «قازپوشتاعا» كىرە المايدى، دەپ حابارلايدى almaty-akshamy.kz «حابار 24»-كە سىلتەمە جاساپ.
ۇكىمەت وتىرىسىندا دەنساۋلىق ساقتاۋ ءمينيسترىنىڭ مىندەتىن اقارۋشى جاندوس بۇركىتبايەۆ وسىلاي دەپ مالىمدەگەن ەدى. بۇل قوعامدىق ورىنداردا ىندەتتىڭ تارالىپ كەتپەۋىنە سەپتىگىن تيگىزەدى دەگەن ۇمىتپەن قولعا الىنىپ وتىرعان شارا. جالپى دەرتتى جەڭۋدىڭ ءبىر امالى – 2022 جىلدىڭ العاشقى جارتىسىندا 9 ميلليون قازاقستاندىقتى ريەۆاكسينالاۋدان وتكىزۋ. ۇكىمەت باسشىسى سالالىق مينيسترلىككە وسىنداي مىندەت جۇكتەگەن.
– ءبىزدىڭ مىندەتىمىز قازىرگى تۇراقتى ەپيدەميولوگيالىق احۋالدى ۇستاپ تۇرۋ. سول ارقىلى ازاماتتاردى قورعاۋ. اسىرەسە ادام كوپ شوعىرلانعان جەرلەردە قاۋىپسىزدىكتى ساقتاۋ ماڭىزدى. سوندىقتان بۇل شارا ادام قۇقىعىن بۇزادى دەپ ويلامايمىن. كەرىسىنشە حالقىمىزدىڭ دەنىنىڭ ساۋ بولۋىن قامتاماسىز ەتەدى - دەيدى ق ر دسم سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا