پاكىستان يسلام رەسپۋبليكاسىنىڭ لاحور قالاسىندا جەرگىلىكتى ۇيىمداسقان توپ ەرەكشە سۋرەتى بار كويلەك كيگەن ايەلدىڭ كيىمىن جىرتىپ جىبەرە جازدادى.
ساۋاتسىز توپ كيىمدەگى اراب كالليگرافياسىن قۇران اياتتارى دەپ ءتۇسىنىپ، قىزدى كۇپىرلىك ەتتى دەپ ايىپتادى، دەپ حابارلايدى اlmaty-akshamy.kz Al Jazeeraعا سىلتەمە جاساپ.
جەرگىلىكتى تۇرعىندار اراب كالليگرافياسى بار كويلەك كيىپ، قوعامدىق ورىندا جۇرگەن ايەلدى قورشاپ الىپ، ولتىرەمىز دەپ قورقىتتى. اشۋلى ادامداردان قۇتىلۋعا جەرگىلىكتى پوليسيا قىزمەتكەرى كومەكتەسكەن. پوليسيا نازىك جاندى قىزدى امان-ەسەن شىعارىپ سالۋ ءۇشىن جينالعان ادامدارمەن كەلىسسوز جۇرگىزىپ، ونى تىنىش جەرگە اپارعان.
جەلى قولدانۋشىلار، اسىرەسە پاكىستان تۇرعىندارى دا جارالانعان ايەلدى جاقتاپ پىكىر بىلدىرگەن. پىكىر بىلدىرۋشىلەردىڭ باسىم كوپشىلىگى قۇقىق قورعاۋ ورگاندارى وكىلدەرى جانجال تۋدىرعانداردى تاۋىپ، جازا قولدانۋدى تالاپ ەتكەن.