ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى (تمرك) ەلىمىزدىڭ بارلىق گازداندىرىلعان وڭىرلەرى بويىنشا «قازترانگاز ايماق» اق-نىڭ تۇتىنۋشىلارى ءۇشىن تاۋارلىق گازدىڭ باعاسىنا ساراپتاما جۇرگىزۋگە باستاماشىلىق جاسادى، دەپ حابارلايدى اlmaty-akshamy.kz
ماسەلەن، 2021 جىلعى قىركۇيەك ايىنىڭ سوڭىندا «قازترانگاز ايماق» اق تاريفتىك ۆەدومستۆوسىنىڭ سۇراۋى بويىنشا باعاعا ساراپتاما جۇرگىزۋ ءۇشىن قاجەتتى قۇجاتتار ۇسىنعان بولاتىن.
باعا ساراپتاماسى اياسىندا تمرك ۇسىنىلعان ماتەريالدارعا مۇقيات تالداۋ جۇرگىزدى، سونداي-اق «قازترانگاز ايماق» اق قوسىمشا ۇسىنعان ماتەريالداردى زەرتتەدى، دەپ حابارلايدى قازاقپارات ق ر ەكولوگيا، گەولوگيا جانە تابيعي رەسۋرستار منيسترلىگىنە قاراستى تابيعي مونوپوليالاردى رەتتەۋ كوميتەتىنىڭ باسپا ءسوز قىزمەتىنە سىلتەمە جاساپ.
وسىلايشا، باعا ساراپتاماسىن قاراۋ قورىتىندىسى بويىنشا، تابيعي مونوپوليالاردى رەتتەۋ كوميتەتى «قازترانگاز ايماق» اق-نىڭ ەلدىڭ بارلىق گازداندىرىلعان وڭىرلەرىنە جابدىقتاۋ ۇستەمەسىن 15%-دان (شىعىس قازاقستان وبلىسى) 50،63%-عا (اتىراۋ وبلىسى) دەيىن تومەندەتتى.
ەستەرىڭىزگە سالا كەتەيىك، قازاقستاندا تابيعي گازبەن جابدىقتاۋ سالاسىنداعى باعالار مەن تاريفتەردى مەملەكەتتىك رەتتەۋ ەنەرگەتيكا مينيسترلىگى مەن ق ر ۇەم تمرك اراسىندا بولىنگەن.
تابيعي گازدىڭ تۇپكىلىكتى باعاسىنا 70-80% ەنەرگەتيكا مينيسترلىگى بەكىتەتىن كوتەرمە باعاعا تاۋەلدى، ال تابيعي گاز باعاسىنىڭ قالعان بولىگى گازدى تاسىمالداۋ قىزمەتىنەن جانە وتكىزۋ شىعىنداردان (جابدىقتاۋ ۇستەمەسى) تۇرادى.
جابدىقتاۋ ۇستەمەسىنىڭ دەڭگەيىن تومەندەتۋ بولىگىندە اتقارىلعان جۇمىستىڭ ناتيجەسىندە تمرك كوپتەگەن وڭىرلەردە تۇتىنۋشىلار ءۇشىن تاۋارلىق گازدىڭ تۇپكىلىكتى شەكتى باعالارىن 0،34%-دان 38،96%-عا دەيىن تومەندەتۋگە قول جەتكىزدى.
مىسالى، ەڭ تومەن باعا اتىراۋ وبلىسىندا تىركەلدى. مۇندا تومەندەۋ 38،96%-دى قۇرادى، ال جوعارى باعا جاقىندا عانا تۇتىنۋشىلار تاۋارلىق گازعا قوسىلعان قاراعاندى وبلىسىندا بولدى. مۇنداي گازدىڭ ارزانداۋ كورسەتكىشى 0،34%.
تومەندەتىلگەن باعالار 2022 جىلعى 1 اقپاننان باستاپ ارەكەت ەتەدى.
ايتا كەتۋ كەرەك، تابيعي گاز باعاسىنىڭ تومەندەۋى جەكەلەگەن كوممۋنالدىق قىزمەتتەرگە مۋلتيپليكاتيۆتى اسەر ەتەدى.