«استانا – كوگالداندىرۋ قۇرىلىسى» ج ش س باس ديرەكتورىنا 185 ميلليون تەڭگە مولشەرىندە ايىپپۇل سالىندى. بۇل جونىندە Zakon.kz باسىلىمىنا سىبايلاس جەمقورلىققا قارسى ءىس-قيمىل اگەنتتىگى حابارلادى.
اگەنتتىك ۇسىنعان مالىمەت بويىنشا، استانا قالاسى بايقوڭىر اۋدانىنىڭ № 2 سوتىندا «استانا – كوگالداندىرۋ قۇرىلىسى» ج ش س باس ديرەكتورى ا. ناۋرىزالىگە قاتىستى 9 ميلليون تەڭگە الۋ فاكتىسى بويىنشا ءىستى قاراۋ اياقتالدى.
تاراعان اقپاراتقا سۇيەنسەك، پارانى «تابيعات-سەرۆيس نس» ج ش س ديرەكتورىنىڭ ورىنباسارى س.كارلوۆا جاسىل ەكپەلەردى كۇتىپ ۇستاۋ بويىنشا ارتىقشىلىق بەرۋى جانە ورىندالعان جۇمىستار اكتىلەرىنە كەدەرگىسىز قول قويۋى ءۇشىن بەرگەن.
«3 ناۋرىزىنداعى سوت ۇكىمىمەن ءناۋرىزالى پارا العانى ءۇشىن كىنالى دەپ تانىلدى جانە وعان مەملەكەتتىك مەكەمەلەردە قىزمەت اتقارۋ قۇقىعىنان ايىرا وتىرىپ، پارانىڭ جيىرما ەسەلەنگەن سوماسى – 185 ميلليون تەڭگە مولشەرىندە ايىپپۇل تۇرىندە جازا تاعايىندالدى»، - دەپ جازىلعان سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتىنىڭ حابارلاماسىندا.