ەكولوگيا جانە تابيعي رەسۋرستار ءمينيسترى زۋلفيا سۇلەيمەنوۆا كليماتتىق وزگەرىستىڭ قانداي سالدارى بولاتىنىن ءتۇسىندىردى، دەپ حابارلايدى Almaty-akshamy.kz.
«كليماتتىق وزگەرىستەر سالدارى ورتالىق ازيا اۋماعىن شولەيتكە، بيولوگيالىق سانالۋاندىقتىڭ، مۇزدىقتاردىڭ ازايۋىنا، سۋ رەسۋرستارىنىڭ سارقىلۋىنا جانە ەكسترەمالدى گيدرولوگيالىق قۇبىلىستارعا الىپ كەلەدى. اتالعان ماسەلەلەردى شەشۋدە بىزدەن كليماتتىڭ وزگەرۋىنە بەيىمدەلۋ جانە سالدارىن ازايتۋ بويىنشا شۇعىل شەشىم قابىلداۋدى تالاپ ەتەدى»، - دەدى زۋلفيا سۇلەيمەنوۆا ەلوردادا ءوتىپ جاتقان III ECOJER حالىقارالىق كونگرەسىندە.
ءمينيستردىڭ ايتۋىنشا، كليمات وزگەرىسى پروبلەمالارىن شەشۋدەگى حالىقارالىق دامۋ ترەند يندۋستريالىق كۇن تارتىبىنەن كليماتتىق كۇن تارتىبىنە كوشۋ.
«بۇگىندە كومىر سالاسىنا ەكونوميكالىق قىسىم كۇشەيىپ كەلەدى. ءىرى قارجى ينستيتۋتتارى جاسىل تەحنولوگيانىڭ پايداسىنا كومىرمەن بايلانىستى جوبالاردان مۇلدەم باس تارتتى. وسى ورايدا الەم ەكونومياسىن دەكاربونيزاسيالاۋدىڭ تۇراقتى ءۇردىسى بايقالادى»، - دەيدى ۆەدومستۆو باسشىسى.
سونداي-اق، ءزۇلفيا سۇلەيمەنوۆا قازاقستان پاريج كەلىسىمى ماقساتىنا جەتۋ جولىندا جاھاندىق كۇن ءتارتىبىن تولىعىمەن قولدايتىنىن ايتتى.
«ونىڭ دالەلى - ەلىمىزدىڭ 2060 جىلعا دەيىن كومىرتەگى بەيتاراپتىعىنا قول جەتكىزۋ ستراتەگياسىن بەكىتۋى. ستراتەگيادا بىرنەشە ماڭىزدى باعىت قاراستىرىلعان»، - دەپ تولىقتىردى ەكولوگيا ءمينيسترى.
ايتا كەتەيىك، ەلوردادا III ECOJER حالىقارالىق كونگرەسى ءوتىپ جاتىر.