ءورت-تىلسىز جاۋ!
بۇگىن تاڭعى ساعات 5:49-دا مەدەۋ اۋدانىنداعى كىماسار شاتقالى باۋرايىندا قۇرعاق ءشوپ جانعانى تۋرالى حابارلاما كەلىپ ءتۇستى، دەپ حابارلايدى Almaty-akshamy.kz.
وقيعا ورنىنا تجد تابيعي ورتتەردى جويۋ بويىنشا بىرلەسكەن ارنايى قۇرامى - 36 ادام، 9 بىرلىك تەحنيكا جانە "ىلە الاتاۋى" مۇتپ - قىزمەتكەرلەرى دەرەۋ جىبەرىلدى.
تاۋلى تىك بەتكەيلەرگە بايلانىستى ءورت ءسوندىرۋ تەحنيكاسىن جۇمىلدىرۋىنا كەدەرگى كەلتىردى. وسىعان بايلانىستى جوعارىداعى تاۋ شاتقالىنىڭ جانۋ وشاعىنا ءورت سوندىرۋشىلەر جاياۋ كوتەرىلۋىنە تۋرا كەلدى. سونىمەن قاتار، قۇرعاق ءشوپتىڭ 500 ش.م الاڭىندا جەكە وشاقتار بولىپ جانۋى انىقتالدى.
ءورتتى ءسوندىرۋ ءۇشىن «ەرماك» اسپالى ءورت سوندىرگىشتەرى، شانستى قۇرالدار (شارتىلداقتار، كۇرەكتەر) قولدانىلدى. تۇتانۋ ورنىندا جەر جىرتىلىپ، دەر كەزىندە قابىلدانعان شارالار ناتيجەسىندە ءورت 07:39-دا وقشاۋلاندى.
تجد تاۋلى-ورماندى جەرلەردە ءورت ءقاۋپىنىڭ جوعارى بولۋىنا بايلانىستى قالا تۇرعىندارى مەن قوناقتارعا اشىق وتتى پايدالانۋدان، وت جاعۋدان، تەمەكى شەگۋدەن جانە قۇرعاق ءشوپ پەن ورىلعان ءشوپتى جاعۋدان باس تارتۋدى سۇراپ، قاۋىپسىزدىك شارالارىن ساقتاۋعا شاقىردى.
ق ر اكىمشىلىك كودەكسى 367-بابىنىڭ 3-بولىگىنە سايكەس، ەرەكشە قورعالاتىن تابيعي اۋماقتاردا ءورت قاۋىپسىزدىگى تالاپتارىن بۇزعانى ءۇشىن جەكە تۇلعالار 100 اەك - 291 مىڭ 700 تەڭگە مولشەرىندە ايىپپۇل تۇرىندە اكىمشىلىك جاۋاپكەرشىلىككە تىرتىلادى . اۋىر زارداپتار تۋىنداعان جاعدايدا كىنالى تۇلعالار قىلمىستىق جاۋاپكەرشىلىككە تارتىلادى.