ول مەديسينالىق كومەككە مۇقتاج بولعان جوق.
الماتىنىڭ قۇتقارۋ قىزمەتى «كىماسار» شاتقالىندا جالعىز ءوزى اداسىپ قالعان ەر ادامدى تاۋىپ، قالاعا جەتكىزدى، دەپ حابارلايدى Almaty-akshamy.kz.
«قۇتقارۋشىلار گەولوكاسيا ارقىلى «كىماسار» شاتقالىندا توڭىپ وتىرعان 28 جاستاعى ەر ادامدى تاپتى. ول مەديسينالىق كومەككە مۇقتاج بولعان جوق. قۇتقارۋشىلاردىڭ كومەگىمەن قالاعا ەۆاكۋاسيالاندى»، - دەپ حابارلادى الماتى قالاسىنىڭ قۇتقارۋ قىزمەتىنەن.
قۇتقارۋ قىزمەتىنە قالالىق توتەنشە جاعدايلار دەپارتامەنتىنەن «فۋرمانوۆ» شىڭىنىڭ اۋماعىندا جاس جىگىتتىڭ جوعالۋىنا بايلانىستى شاقىرتۋ تۇسكەن.
بەلگىلى بولعانىنداي، ول داۋىل تۋرالى ەسكەرتۋ حابارلامالارعا ءمان بەرمەي، كۇندىز جالعىز ءوزى تاۋعا شىعىپ كەتكەن. قاراڭعى تۇسكەندە، كەلگەن جولىن تابا الماي، اداسىپ قالعان.