الماتى قىمبات قالالاردىڭ قاتارىندا.
ەلىمىزدە كيىم-كەشەك پەن اياق كيىم باعاسى ءبىر جىلدا 10%-عا قىمباتتاعان، دەپ حابارلايدى Almaty-akshamy.kz
2022 جىلدىڭ ماۋسىم ايىندا كيىم-كەشەك پەن اياق كيىم باعاسى ءبىر ايدا 1،4%-عا، ال ءبىر جىلدا 9،7%-عا وسكەن.
وسى جىلدىڭ 1 تامىزىنداعى دەرەكتەر بويىنشا، تمد ەلدەرى اراسىندا ەڭ قىمبات كيىم رەسەيدە ەكەن. بۇل ەلدە دجينسى 89،8 اقش دوللار تۇرادى. ەرلەردىڭ بىلعارى ىسكەرلىك اياق كيىمىنىڭ باعاسى 125،2 اقش دوللار بولسا، Nike كروسسوۆكالارىنىڭ باعاسى 109،9 اقش دوللارى ەكەن. ال، جازعى كويلەكتى 55،2 اقش دوللارىنا ساتىپ الۋعا بولادى.
قازاقستاندا تمد بويىنشا ەڭ تومەن باعالار بار دەپ ايتا المايمىز. سەبەبى، ەلىمىزدە دجينسى باعاسى 67،4 دوللار ەكەن. ەرلەردىڭ بىلعارى ىسكەرلىك اياق كيىمىنىڭ باعاسى 81،3 اقش دوللار بولسا، Nike كروسسوۆكالارىنىڭ باعاسى 69 اقش دوللار بولادى. جازعى كويلەك باعاسى – 33،4 اقش دوللار.
ايلىق ديناميكادا سولتۇستىك قازاقستان، ماڭعىستاۋ جانە قىزىلوردا وبلىستارىندا باعالاردىڭ وسكەنىن اڭعارۋعا بولادى.
ال، جىلدىق ديناميكادا ماڭعىستاۋ وبلىسىنىڭ تۇرعىندارى كيىم-كەشەك پەن اياق كيىم باعاسىنىڭ بىردەن 16،5%-عا وسكەنىن بايقاعان. انتيليدەرلەر ۇشتىگىنە قىزىلوردا جانە اتىراۋ وبلىستارى كىرەدى. ەڭ تومەن باعا الماتىدا (6،3%) تىركەلدى.
ماۋسىم ايىندا ەرلەر كيىمى 1،1%-عا، اياق كيىم 2،1%-عا قىمباتتاعان. ال، ءبىر جىل ىشىندە ەرلەر كيىمى 9،1%-عا، اياق كيىم باعاسى 9،5%-عا وسكەن.
ەرلەر كيىم-كەشەگى اراسىندا مايكالار (14،9%-عا)، دجينسى (10،7%-عا)، سپورتتىق كوستيۋمدەر (10%-عا)، فۋتبولكالار (9،8%-عا)، شۇلىقتار (9،7%-عا)، قىسقى كۇرتەشەلەر (8،7%-عا)، جەيدەلەر (8،2%-عا)، جەل كۇرتەشەلەرى (7،9%-عا)، ماۋسىمدىق پالتو (6،7%-عا)، جەمپىرلەر (5،4%-عا)، شالبارلار (5،2%-عا) باعالارى قىمباتتاعان.
ءبىر جىل ىشىندە ەرلەر اياق كيىمىنىڭ باعاسى دا وزگەرىسكە ۇشىراعان. مىسالى، ساندالەتتەر مەن جازعى تۋفلي (11،6%-عا)، قىسقى ەتىك (10،4%-عا)، ەرەسەكتەرگە ارنالعان ءۇي اياق كيىمى (9،8%-عا)، ماۋسىمدىق جانە قىسقا باتەڭكە (8،9%-عا)، تۋفلي (8،1%-عا)، كروسسوۆكالار (7،9%-عا) باعالارى وسكەن.
ايەلدەردىڭ سىرتقى كيىم باعاسى ءبىر ايدا 1،3%-عا، ءبىر جىلدا 8،9%-عا وسكەن. ال، اياق كيىم باعاسى ءبىر ايدا 1،4%-عا جانە ءبىر جىلدا 9،5%-عا كوتەرىلگەن.
جىلدىق ديناميكادا كويلەكتەر ءبىر جىلدا بىردەن 11،9%-عا، فۋتبولكالار 11،2%-عا، قىسقى كۇرتەلەر 10،8%-عا، بلۋزكالار، سپورتتىق كوستيۋمدەر 8،8%-عا، شالبار مەن كولگوتكيلەر 8،7%-عا قىمباتتاعان. بۇدان باسقا پالتو، حالات، ءۇلبىر توندار، دجينسى جانە ت.ب. كيىم-كەشەك تۇرلەرىنىڭ باعاسى دا كوتەرىلگەن.
ءبىر جىلدا اياق كيىم اراسىندا بىلعارى ساندالييلەر (12،5%-عا)، قىسقى ەتىك پەن باتەڭكە (10،2%-عا)، ماۋسىمدىق ەتىك پەن باتەڭكە (8،8%-عا)، وكشەسى تومەن بىلعارى تۋفلي (8،4%-عا)، كروسسوۆكالار (2%-عا) باعالارى وسكەن.
بالالارعا ارنالعان كيىم-كەشەك پەن اياق كيىم باعاسى دا قىمباتتاعان. سىرتقى كيىم باعاسى ءبىر ايدا 1،1%-عا، ال ءبىر جىلدا 9%-عا وسسە، اياق كيىم باعاسى ءبىر ايدا 1،9%-عا، ءبىر جىلدا 14،7%-عا كوتەرىلگەن.
ءبىر جىلدا فۋتبولكا (12،8%)، پيجاما (11،9%)، شۇلىقتار مەن گولفيلەر (10،9%)، مەكتەپ جاسىنداعى بالالارعا ارنالعان ماۋسىمدىق كۇرتەشەلەر (10،5%)، قىسقى كومبينەزوندار (10،3%) باعاسى قىمباتتاعانىن بايقاۋعا بولادى. بۇدان بولەك مەكتەپ جاسىنداعى بالالارعا ارنالعان قىسقى كۇرتەشەلەر (9،7%)، دجينسى (9،3%)، شالبار (9،1%)، كولگوتكي (8،6%)، ۇل بالالارعا ارنالعان جەيدەلەر (8،5%)، سپورتتىق كوستيۋمدەر (7،9%) باعاسى دا كوتەرىلگەن.
بالالار اياق كيىمىنىڭ باعاسى دا قىمباتتاعان. قىسقى بالالار ەتىگى مەن باتەڭكە (15،9%)، كروسسوۆكالار (15%)، جازعى ساندالييلەر مەن تۋفلي (13،4%)، بالالار ماۋسىمدىق اياق كيىمى مەن قىسقا اياق كيىم (13%)، قىزدارعا ارنالعان تۋفلي (9،7%) باعالارى وسكەن.