كيىك پوپۋلياسياسىن رەتتەۋ شارالارىنا 40-قا جۋىق مامان تارتىلىپ وتىر، دەپ حابارلايدى aqshamnews.kz اكىمدىكتىڭ رەسمي سايتىنا سىلتەمە جاساپ.
ولاردان 4 ارنايى بريگادا جاساقتالدى. ءار بريگاداعا 3 تەحنيكا بەرىلدى.
"اۋلانعان كيىك ەتى ارنايى بەلگىلەنگەن ەت وڭدەۋ كاسىپورىندارىنا جەتكىزىلەدى. اتاپ ايتقاندا، بۇل ونىمدەردى "كۋبلەي" ج ش س، "جەڭىس" جك، "باتىس-نىق" ج ش س جانە "حايروۆ" جك قابىلدايدى. بولاشاقتا تاعى باسقا ەت كومبيناتتارىنىڭ دا بۇل ىسكە اتسالىسۋى جوسپارلانىپ وتىر"، - دەيدى ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ باسشىسى نۇرلان راحىمجانوۆ.
بيىلعى اۆياسيالىق ەسەپكە سايكەس، باتىس قازاقستان وبلىسىندا كيىكتەردىڭ جالپى سانى 2،3 ملن باسقا جەتكەن. عالىمدار ازىرلەگەن بيولوگيالىق نەگىزدەمەگە سايكەس، ونىڭ تەك 20 پايىزىنا، ياعني 460 مىڭعا دەيىن عانا رەتتەۋ جۇرگىزۋگە بولادى. بۇل جۇمىستار 30 قاراشاعا دەيىن جالعاسادى.