كوكشەتاۋدان شىعار بەرىستە ءبىر توپ كيىك اۆتوجولعا شىعىپ كەتتى.
كولىك جۇرگىزۋشىلەر جابايى جانۋارلاردى ۆيدەوعا ءتۇسىرىپ، الەۋمەتتىك جەلىدە ءبولىسىپ جاتىر، دەپ حابارلايدى اlmaty-akshamy.kz.
اۋا رايىنىڭ قۇبىلۋىنا بايلانىستى ەلدى مەكەن اۋماعىندا ەلىكتەر كوپ كەزدەسەدى. قالا كوشەلەرى مەن تۇرعىن ءۇي اۋلارىندا ءورىپ جۇرگەن ەلىكتەردى تۇرعىندار قىزىقتاۋدا، ال ماماندار بولسا جابايى جانۋارلاردى تابيعي ورتاسىنا قۋىپ الەك.
ورمان شارۋاشىلىعى جانە جانۋارلار دۇنيەسى ينسپەكسياسى ءبولىمىنىڭ باسشىسى زينالي ءايتقوجيننىڭ ايتۋىنشا، ەلىكتەردىڭ مۇنداي ەرەكشە مىنەز-قۇلقى قاتتى ايازعا جانە قالىڭ قارعا بايلانىستى. ەلىكتەر قورەك ىزدەپ جانە سۋىقتان جىلىنۋ ءۇشىن ەلدى مەكەندەرگە شىعادى.
«بۇگىنگى تاڭدا كوكشەتاۋ ماڭىندا، قالا كوشەلەرىنەن ەلىكتەردى ءجيى كەزدەستىرۋگە بولادى. قالا ماڭىندا شاعالالى كەنتى، ەلىكتى تاۋى، قىزىلتان اۋىلى جاعىندا ورمان القاپتارى بار. سونداي-اق كوكشەتاۋ ۇلتتىق پاركى اۋماعىندا ەلىكتەر كوپتەپ كەزدەسەدى»، - دەپ ءتۇسىندىردى زينالي ايتقوجين.
ايتۋىنشا، ەلدى مەكەندەر اۋماعىندا ەلىكتەردىڭ جۇرگەندىگى تۋرالى ينسپەكسيا ماماندارىنا تۇرعىندار تاراپىنان حابار كوپتەپ ءتۇسىپ جاتىر. سول سەبەپتى اڭشىلىق شارۋاشىلىعىنا، اكىمدىككە حات جولدانعان. جابايى جانۋارلار قالا سىرتىنداعى دالا جانە ورماندى القاپتارعا شىعارىلىپ جاتىر.
ايتا كەتسەك، بۇدان بۇرىن ايازدا اشىققان ءسىبىر ەلىكتەرى كوكشەتاۋ مەن اتباسار كوشەلەرىن كەزىپ جۇرگەنىن جازعان ەدىك.