رەتتەۋ 30 قاراشا ارالىعىنا دەيىن جۇرگىزىلمەك
قازاقستاندا كيىك سانىن رەتتەۋ 15 قىركۇيەكتەن باستاپ، 30 قاراشا ارالىعىنا دەيىن جۇرگىزىلۋى مۇمكىن. بۇل تۋرالى ەگترم ورمان شارۋاشىلىعى جانە جانۋارلار دۇنيەسى كوميتەتىنىڭ ءتوراعاسى نۇرلان قىلىشبايەۆ ايتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«زوولوگيا ينستيتۋتى 2022 جىلعا ارنالعان كيىك سانىن رەتتەۋدىڭ بيولوگيالىق نەگىزدەمەسىن ۇسىندى. عىلىمي قورىتىندىعا سايكەس، كيىكتىڭ ورال پوپۋلياسياسى سانىنىڭ كۇرت وسۋىنە بايلانىستى ءشوپ پەن سۋ ءۇشىن ءۇي جانۋارلارىمەن باسەكەلەستىكتىڭ ارتۋىنا، كيىكتەردىڭ اۋىل شارۋاشالىعى داقىلدارىنىڭ ەگىستىك القاپتارىنا كىرۋىنە وراي ولاردىڭ ارتىق باسىن رەتتەۋ قاجەتتىگى تۋىنداپ وتىر. مۇنداي جايتتىڭ بەتپاقدالا پوپۋلياسياسىندا دا بايقالاتىندىعىن اتاپ وتكەن ءجون»، - دەدى ول ەلوردادا وتكەن «كيىك پوپۋلياسياسى سانىن رەتتەۋ» تاقىرىبىنداعى دوڭگەلەك ۇستەل بارىسىندا.
كوميتەت ءتوراعاسىنىڭ اتاپ وتۋىنشە، بيولوگيالىق نەگىزدەمەگە سايكەس، ۇسىنىلىپ وتىرعان بيىل رەتتەلۋى ءتيىس كيىكتىڭ ورال پوپۋلياسياسىنىڭ باسى ونىڭ جالپى سانىنىڭ 10 پايىزىنا تەڭ. ونىڭ 5 پايىزى اتالىق كيىك، 47،5 پايىزىن ۇرعاشى كيىك جانە 47،5 پايىزىن بيىلعى ءتولى قۇرايدى.
«ال قوستاناي مەن اقمولا وبلىستارىنىڭ اۋماعىنداعى بەتپاقدالا پوپۋلياسى ءۇشىن 2022 جىلى ەسەپكە الىنعان ساننىڭ 2،5 پايىزىن اۋلاۋ ۇسىنىلىپ وتىر. ونىڭ 5 پايىزى اتالىق كيىك، 47،5 پايىزىن ۇرعاشى كيىك جانە 47،5 پايىزىن بيىلعى ءتولى قۇرايدى. كيىك سانىن بيولوگيالىق، سونىمەن قاتار ەكونوميكالىق تۇرعىدا رەتتەيتىڭ وڭتايلى مەرزىمى 15 قىركۇيەكتەن باستاپ 30 قاراشا ارالىعىنا دەيىن»، - دەدى نۇرلان قىلىشبايەۆ.