ۇقك كيىك ءمۇيىزىنىڭ ءىرى پارتياسىن ۇستالعانىن ءمالىم ەتتى، دەپ حابارلايدى اlmaty-akshamy.kz.
ۆەدومستۆو باسپا ءسوز قىزمەتىنىڭ مالىمەتىنشە، ۇقك جەتىسۋ وبلىسى بويىنشا شەكارا قىزمەتى دەپارتامەنتى پوليسيا ورگاندارىمەن بىرلەسە شەكارا اۋماعىندا جابايى جانۋارلاردىڭ دەريۆاتتارىن زاڭسىز ىسكە اسىرۋى كۇدىگى بويىنشا قازاقستاننىڭ ءۇش ازاماتىن ۇستادى.
ءتىنتۋ بارىسىندا ولاردان 1382 دانا كيىك ءمۇيىزى الىندى. ورمان شارۋاشىلىق جانە جانۋارلار الەمى وبلىستىق ينسپەكسياسىنىڭ مالىمەتى بويىنشا ۇستالعان ادامداردان مەملەكەتكە كەلتىرىلگەن زالال 3،5 ملرد تەڭگەدەن ارتىق باعالانۋدا. قىلمىستىق كودەكستىڭ 339-بابى بويىنشا سوتقا دەيىنگى تەرگەپ-تەكسەرۋ جۇرگىزىلۋدە. وزگە اقپارات قىلمىستىق-پروسەستىك كودەكستىڭ 201-بابى 1-بولىگىنە سايكەس جاريا ەتۋگە جاتپايدى، - دەلىنگەن ۇقك حابارلاماسىندا.