كۇن سايىن بالالاردىڭ 15%-ى كيبەربۋللينگكە ۇشىرايدى.
اتالعان باعدارلاما سيفرلىق كەڭىستىكتە كەزدەسەتىن قاتەرلەرمەن كۇرەسۋ ءۇشىن ىسكە قوسىلعان، دەپ حابارلايدى Almaty-akshamy.kz
يۋنيسەف جۇرگىزگەن زەرتتەۋلەردىڭ ناتيجەسى بويىنشا، ەلدەگى بالالاردىڭ 15 پروسەنتى كۇن سايىن عالامتورداعى "جاعىمسىز" كونتەنتتىڭ كۋاگەرى بولىپ جاتادى.
مامانداردىڭ ايتۋىنشا، كيبەربۋللينگ الەۋمەتتىك جەلىلەردە كەزدەسەدى. بۇل رەتتە جاۋاپكەرشىلىك اتا-انالارعا جۇكتەلەدى.
"ءقازىر قازاقستاندىق بالالار ينتەرنەتتى بەلسەندى قولدانىپ ءجۇر. وسىدان 3-4 جىل بۇرىن مۇنداي تەندەنسيا بايقالمايتىن. ءقازىر ءتىپتى بەسىكتەن بەلى شىقپاعان بالانىڭ عالامتورعا، جالپى جەلىگە كەدەرگىسىز قوسىلۋعا مۇمكىندىگى بار. بۇل رەتتە، كيبەرقاۋىپسىزدىك ماسەلەسىنە قاتىستى جاۋاپكەرشىلىك اتا-انالارعا جۇكتەلەدى"، دەدى UNICEF Kazakhstan-نىڭ قوعاممەن بايلانىس جونىندەگى ءبولىم باسشىسى ەلۆيرا ياۋشيەۆا.