ەو رەسەيلىك كومىر يمپورتىنا تىيىم سالادى
ەۋرووداق ەلدەرى رەسەيلىك قازبالى وتىن يمپورتىنان تۇبەگەيلى باس تارتۋ جاعىن قاراستىرا باستادى، دەپ حابارلايدى اlmaty-akshamy.kz «حابار 24»-كە سىلتەمە جاساپ.
بۇل تۋرالى ەۋروپالىق كوميسسيا باسشىسى ۋرسۋلا فون دەر ليايەن مالىمدەدى. ونىڭ ايتۋىنشا، مۇنداي شەكتەۋ رەسەيگە قارسى دايىندالىپ جاتقان سانكسيالاردىڭ بەسىنشى پاكەتىنە كىرەدى. بۇدان بولەك، فون دەر ليايەن جەكە تۇلعالار كىرەتىن سانكسيالىق ءتىزىمدى كەڭەيتەتىنىن دە جەتكىزدى.
- سانكسيانىڭ جاڭا پاكەتىندە رەسەيلىك كومىر يمپورتىنا تىيىم سالۋ قاراستىرىلعان. ونىڭ ىشىندە رەسەيدىڭ 4 نەگىزگى بانكىمەن قانداي دا ءبىر وپەراسيا جۇرگىزۋدەن باس تارتۋ دا بار. بۇدان بولەك، ەۋرووداق ەلدەرى رەسەيلىك كەمەلەرگە وداق پورتتارىنا كىرۋگە تىيىم سالماق. ءدال سونداي تىيىم جۇك كولىكتەرىنە دە قاتىستى. سونىمەن قاتار رەسەيگە جارتىلاي وتكىزگىشتەر مەن كولىك قۇرالدارىن ەكسپورتتاۋ جاعىن دا توقتاتۋى كوزدەپ وتىرمىز، - دەيدى ەۋروپالىق كوميسسيانىڭ ءتوراعاسى ۋرسۋلا فون دەر ليايەن.