پاۆلودارعا ومبى قار ءتۇستى
وبلىس ورتالىعىن قاردان تازارتۋ جۇمىستارى ءتۇنى بويى جۇرگىزىلىپ، ەلۋدەن استام ارنايى تەحنيكا جۇمىس اتقاردى، دەپ حابارلايدى Almaty-akshamy.kz 24.kz-كە سىلتەمە جاساپ
كوشەلەر مەن اينالما جولداردىڭ قىس مەزگىلىندەگى تازالىعىن ەكى مەردىگەر كومپانيا قامتاماسىز ەتەدى. قىس ماۋسىمى باستالعالى پوليگونعا 6 مىڭ توننادان استام قار شىعارىلىپتى.
بۇگىن تاڭعى ساعات 6-دان بەرى شىعارىلعان قاردىڭ كولەمى 500 توننادان استى. بۇل باعىتتاعى جۇمىستار ءالى دە جالعاسادى.
ازىرگە بارلىق كۇش قالانىڭ باستى كوشەلەرى مەن ادامدار كوپ جۇرەتىن جەرلەرگە باعىتتالىپ وتىر.
«بۇگىن تاڭعى ساعات 06:00-دەن باستاپ قالا كوشەلەرىندە قاردى تازالاۋ جانە شىعارۋعا 70-تەن استام ارنايى تەحنيكا شىقتى. ياعني بۇلار 24 قار تيەگىش جانە 50 جۇك ماشيناسى. جولداردىڭ جيەكتەرىن، ايالداما پاۆيلوندارىن جانە جاياۋ جۇرگىنشىلەر وتكەلدەرىن تازالاۋعا 200-دەن استام ادام جۇمىلدىرىلدى. الدىمەن جاياۋ جۇرگىنشى جولدارى، ايالدامالار، باسپالداقتار، ەڭىستەر قاردان تازارتىلۋدا»، - دەدى قالا اكىمىنىڭ باسپا ءسوز قىزمەتىنىڭ باس مامانى جانسەرىك قاپزوللا.