«كوكتوبە» ايماعى قالا كوشەلەرىمەن ەسەپتەگەندە 540 مەتر بيىكتىكتە ورنالاسقان
تۇركىستان وبلىسى كەنتاۋ قالاسىندا 25 مەتر بيىكتىككە مەملەكەتتىك تۋ ورناتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
1 مامىر مەرەكەسىنە وراي كەنتاۋ قالاسىندا «كوكتوبە» دەمالىس ايماعى پايدالانۋعا بەرىلدى. جالپى قۇنى 100،367 ملن تەڭگە بولاتىن جوبا اياسىندا 25 مەتر بيىكتىككە مەملەكەتتىك تۋ ورناتىلدى. جان-جاعى اباتتاندىرىلىپ، ورىندىقتار، كولىك تۇراعى مەن قاۋىپسىزدىكتى ساقتاۋ ماقساتىندا بەينە كامەرالار قويىلدى.
ءىس-شارا بارىسىندا كەنتاۋ قالاسىنىڭ اكىمى راشيد ايۋپوۆ، قالالىق ءماسليحات حاتشىسى تالعات بالابيەا جانە اقساقالدار كوپشىلىكتى مەرەكەمەن قۇتتىقتادى.
جالپى، «كوكتوبە» ايماعى قالا كوشەلەرىمەن ەسەپتەگەندە 540 مەتر بيىكتىكتە ورنالاسقان. سول تۇستان قالانىڭ بارلىق ايماعىن ەركىن تاماشالاۋعا بولادى. بۇگىنگى تاڭدا، قالا اكىمدىگى تاراپىنان دەمالىس ايماعىنىڭ ماڭايىنا مەيرامحانا، قوناق ۇيلەر سالۋعا ينۆەستورلاردى تارتۋ جۇمىسى جۇرگىزىلىپ جاتىر.