سايلاۋشى قازاقستان پرەزيدەنتىنە لايىقتى تۇلعانى تاڭداعانىنا سەنىمدى.
الماتىداعى №17 مەكتەپتە ورنالاسقان №387 سايلاۋ ۋچاسكەسىنە م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ داۋىس بەردى.
«قازىرگىدەي تورتكۇل دۇنيە تەڭسەلىپ تۇرعان شاقتا قاراشانىڭ تاعدىرىن ناعىز مىقتىعا تاپسىرۋىمىز كەرەك. الەمدىك گەوساياسي جاعدايدى ەسكەرەتىن بولساق، ەلىمىزدىڭ ىشكى جاعدايىن ەسكەرەتىن بولساق، بىزگە، ەڭ ءبىرىنشى، بىرلىك كەرەك، تۇتاستىق كەرەك، ىنتىماق كەرەك. كەز كەلگەن دۇنيەنى ىنتىماقپەن شەشۋگە بولادى. بۇگىن مەن وسى باعىتتا ءوزىمنىڭ تاڭداۋىمدى جاسادىم»، - دەيدى م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ.