كەڭەسشىلىكتەن كەتكەن مىرزاعالييەۆ «قازمۇنايگازدىڭ» باسقارما ءتوراعاسى بولىپ تاعايىندالدى

بۇدان بۇرىن ماعزۇم مىرزاعالييەۆتىڭ قازاقستان پرەزيدەنتىنىڭ كەڭەسشىسى لاۋازىمىنان بوساتىلعانىن حابارلاعانبىز.

«سامۇرىق-قازىنا» ۇلتتىق ءال-اۋقات قورى» اق باسقارماسىنىڭ شەشىمىمەن جانە پرەزيدەنت اكىمشىلىگىنىڭ كەلىسىمىمەن ماعزۇم مىرزاعالييەۆ «قازمۇنايگاز» ۇلتتىق كومپانياسى» اق باسقارما ءتوراعاسى بولىپ تاعايىندالدى، دەپ حابارلايدى Almaty-akshamy.kz

بۇل جايىندا اقپارات قوردىڭ رەسمي سايتىندا جاريالاندى.

ماعزۇم مارات ۇلى 1978 جىلى 7 قاراشادا الماتى قالاسىندا تۋعان. «تۇران» ۋنيۆەرسيتەتىن، سىرتقى ىستەر مينيسترلىگىنىڭ ديپلوماتيالىق اكادەمياسىن، ش.ەسەنوۆ اتىنداعى قازاق مەملەكەتتىك تەحنولوگيا جانە ينجينيرينگ ۋنيۆەرسيتەتىن بىتىرگەن.

ەڭبەك جولى: 2001-2004 جىلدارى - تەڭىز جانە باتىس ءسىبىر كەنىشتەرىندە «MIDrillingFluidsInternational» (Schlumberger) بۇرعىلاۋ ەرىتىندىلەرى جونىندەگى ينجەنەر. 2004-2007 جىلدارى - «MIDrillingFluidsInternational» اقتاۋ فيليالىندا بيزنەستى دامىتۋ مەنەدجەرى، ءوندىرىس جونىندەگى مەنەدجەر، فيليال باسشىسى. 2007-2010 جىلدارى - «قازمۇنايگاز» ۇك» اق «تەڭىزسەرۆيس» ج ش س باس ديرەكتورى. 2010-2012 جىلدارى - «قازمۇنايگاز» ۇك» اق باسقارۋشى ديرەكتورى. 2010-2013 جىلدارى - «قازمۇنايگاز» ۇك» اق باسقارما ءتوراعاسىنىڭ يننوۆاسيالىق دامىتۋ جانە سەرۆيستىك جوبالار جونىندەگى ورىنباسارى. 2013-2014 جىلدارى – ق ر مۇناي گاز ۆيسە-مينيسترى. 2014-2019 جىلدار – ق ر ەنەرگەتيكا ۆيسە-مينيسترى. 2019-2021 جىلدارى – قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى. 2021-2022 جىلدارى قازاقستان رەسپۋبليكاسىنىڭ ەنەرگەتيكا ءمينيسترى بولدى.

2022 جىلدىڭ قاڭتارىنان بەرى پرەزيدەنت كەڭەسشىسى قىزمەتىن اتقاردى.