«قازمۇنايگاز» ماڭعىستاۋ وبلىسى كەندىرلى ايماعىندا تەڭىز سۋىن تۇشىتاتىن زاۋىت سالىپ جاتىر، دەپ حابارلايدى aqshamnews.kz.
جاڭا كاسىپورىن جاڭاوزەن تۇرعىندارىن اۋىز سۋمەن تۇراقتى قامتاماسىز ەتىپ، وڭىردە ونەركاسىپتى دامىتۋعا مۇمكىندىكتەر اشادى دەپ جوسپارلانۋدا.
زاۋىت تاۋلىگىنە 50 مىڭ تەكشە مەتر سۋ شىعارادى دەپ كۇتىلۋدە؛
ينجەنەرلىك ينفراقۇرىلىم بويىنشا جۇمىستىڭ 75%-دان استامى ورىندالعان؛
جاڭاوزەن قالاسىنا دەيىن تۇشىتىلعان سۋدى جەتكىزەتىن ماگيسترالدى سۋ قۇبىرى (201 كم) جانە ەلەكتر جەلىسىن تارتۋ (83 كم) جۇمىستارى 90%-عا اياقتالعان؛
40 كم اۆتوجول قۇرىلىسى، 46 كم گاز قۇبىرىن تارتۋ جۇمىستارى جۇرگىزىلۋدە؛
قۇرىلىس جۇمىستارىنا 654 ادام، 200-دەن استام قۇرىلىس تەحنيكاسى مەن مەحانيزمدەر (سونىڭ ىشىندە اۆتوجول جانە تەڭىز ءتۇبىن تەرەڭدەتۋ تەحنيكاسى) جۇمىلدىرىلعان.