تانىمال جۋرناليست گۇلميرا ءابىقاي "الاش وردا" ارناسىندا اتىراۋ وبلىسىنداعى داۋ تۋدىرعان وقيعاعا قاتىستى پىكىر ءبىلدىردى، - دەپ حابارلايدى aqshamnews.kz ءتىلشىسى Arasha.kz-كە سىلتەمە جاساپ.
ءجۋرناليستىڭ ايتۋىنشا، مارقۇمداردىڭ ەڭ جاقىن تۋىستارىنىڭ ءبىرى ءاسيلا مۇقانعالييەۆانىڭ ءوزى كۇدىكتى رەتىندە اتالىپ جۇرگەن سۇلتاننىڭ سىرت كەلبەتى مەن مىنەز-قۇلقىن ناقتى سيپاتتاپ بەرە المايدى.
"سۇلتاننىڭ ءتۇرىن ءبارىمىز فوتوروبوتتان كوردىك قوي. ال ءاسيلا اپاي "ول ەشقاشان بىزبەن بىرگە وتىرىستا بولعان جوق. العاشىندا الىپ قاشىپ كەتكەن سوڭ قۇدا بولىپ ءبىر-اق رەت كەلدى، ودان كەيىن ارالاسپادىق"، – دەيدى ول. مەن "قۇداعيىڭىز سىزدەردى كىنالاپ جاتىر عوي" دەسەم، "ءبىز بارايىق" دەسەك، اقبايان "كەلمەڭدەر-كەلمەڭدەر" دەپ ايتاتىن. شىنىن ايتساق، قىزىمىزدى ءتورتىنشى بالاسىن بوسانعان كەزدە ءبىر-اق رەت كوردىك. ال بەسىنشى بالاسىن بوسانعانىن ءتىپتى كورمەدىك. سەبەبى اقبايان "كەلمەڭدەر، ەنەم مەن سۇلتان سولاي ايتتى" دەپ جولاتپادى"، – دەيدى. البەتتە، اقباياننىڭ ءوزى سولاي ايتقان سوڭ، قىزدىڭ توركىنى جاقىنداماعان. ءبىر قىزىعى، ەڭ جاقىن تۋىستارىنىڭ ءوزى كۇيەۋ بالاسىنىڭ ءتۇرى قانداي ەكەنىن ەسىنە ساقتاي الماي، مىنەزىن بىلمەي وتىرسا، ونى كورشىلەرى مەن وزگە ادامدار قايدان ءبىلسىن؟ شىنىندا دا، توماعا-تۇيىق، ەشكىممەن ارالاسپايتىن وتباسى بولعانى ايتىلادى. ءدال وسىنداي وتباسىنا قاتىستى ادامدار مەن ۋچاسكەلىك پوليسيا كۇدىكپەن قاراۋى كەرەك ەمەس پە؟" – دەيدى ول.
اتىراۋ وبلىسىندا جوعالعان وتباسىنىڭ ءىسى
ەسكە سالايىق، 25 جەلتوقساندا اتىراۋ وبلىسىنىڭ پوليسياسىنا ءبىر وتباسى جوعالعانى تۋرالى ارىز تۇسكەن.
اتىراۋ وبلىسى پد
6 قاڭتاردا ەرلى-زايىپتى ءولى تابىلدى. ولاردىڭ ۇل-قىزى ءالى ىزدەستىرىلىپ جاتىر.
"بۇل دەرەك بويىنشا ادام ءولتىرۋ بەلگىلەرىمەن قىلمىستىق ءىس قوزعالدى. كۇدىكتىلەر انىقتالدى. ءقازىر ولاردى ىزدەۋ جانە ۇستاۋ ماقساتىندا قۇقىق قورعاۋ ورگاندارى جەدەل ىزدەستىرۋ ءىس-شارالارىن جۇرگىزىپ جاتىر"، - دەدى بۇعان دەيىن پوليسيا.
8 قاڭتاردا ەرلى-زايىپتىنى اقتىق ساپارعا شىعارىپ سالۋ ءراسىمى ءوتتى.
سونىمەن قاتار، جانگەلدين اۋىلىندا قايتىس بولعان ەرلى-زايىپتىنىڭ ولىمىنە بايلانىستى كۇدىكتىگە ىزدەۋ جاريالاندى. كۇدىكتى - اتىراۋ وبلىسى ماحامبەت اۋدانىنىڭ 29 جاستاعى تۇرعىنى. بۇل وقيعاعا وزگە دە ادامداردىڭ قاتىسى بار-جوعى تەكسەرىلىپ جاتىر.