باتىس قازاقستان وبلىسى اۋماعىندا 82 ەتنوس وكىلدەرى ءتاتۋ-تاتتى تۇرىپ جاتىر. وزىمەن ءوزى بولىپ، توماعا-تۇيىق جۇرگەن ەشقايسىسى جوق. كەيىنگى جىلدارى وبلىستا ەتنوسارالىق نەگىزدەگى كيكىلجىڭ دە تىركەلمەگەن.
وبلىستاعى ەتنوستىق توپ وكىلدەرى، نەگىزىنەن، ورال قالاسى اۋماعىندا جانە اۋدانداردا قازاقتارمەن ارالاس مەكەن ەتەدى. 2021 جىلعى 1 قاڭتارداعى ستاتيستيكالىق مالىمەتكە قاراساق، وڭىرىمىزدە 656 300 ادام تۇرادى ەكەن. ونىڭ 76،3%-ى – قازاقتار، 19،3%-ى – ورىستار، 1،4%-ى – ۋكرايندار، 1،3%-ى – تاتارلار، قالعان 1،7 پايىزى – وزگە ەتنوس وكىلدەرى.
وڭىردەگى ەتنومادەني بىرلەستىكتەر قوعامدىق كەلىسىمدى ساقتاۋدا بەلسەندى قىزمەت ەتىپ، جۇيەلى جۇمىس ىستەپ وتىر. مىسالى، ولاردىڭ باستاماسىمەن ورال قالاسىندا «دوستىق» ساياباعى اباتتاندىرىلىپ، جىل سايىن «ەتنوس اپتالىعى» الەۋمەتتىك جوباسى ىسكە اسىرىلىپ كەلەءدى. ودان بولەك، اتاۋلى داتالارعا بايلانىستى كەزدەسۋلەر، بەلگىلى ادامداردىڭ شىعارماشىلىق كەشتەرى، وتباسىلىق قۇندىلىقتاردى دارىپتەۋ سياقتى ءىس-شارالار ۇنەمى وتەدى.
بۇگىنگى تاڭدا قازاقستان حالقى وبلىستىق اسسامبلەياسى جانىنان بارلىق دەڭگەيدە اقساقالداردىڭ 169 كەڭەسى، انالاردىڭ 157 كەڭەسى، 239 قوعامدىق كەلىسىم كەڭەسى، 14 «جاڭعىرۋ جولى» جاستار قوزعالىسى، 3 دوستىق ءۇيى، 7 «تاتۋلاسۋ ورتالىعى»، 72 مەدياسيا كابينەتى، عىلىمي-ساراپتاما توبى، كاسىپكەرلەر قاۋىمداستىعى، «ءتىل مۇرا» قوعامدىق قوزعالىسى، جۋرناليستەر كلۋبى، ەرىكتىلەر ورتالىعى، جەكسەنبىلىك سىنىپتار مەن حالىق انسامبلدەرى جۇمىس ىستەيدى. بۇل ۇيىمدار 20 مىڭنان استام ادامدى قامتىپ وتىر. وتكەن جىلى وبلىس بويىنشا قوعامدىق كەلىسىم مەن ەتنوسارالىق تۇراقتىلىقتى ساقتاۋ ءجانە ناسيحاتتاۋ جونىندە 327 ءىس-شارا وتسە، وسى جىلدىڭ ءى توقسانىندا 78 ءىس-شارا وتكىزىلدى.
وسى ورايدا ءوڭىر باسشىسى، وبلىستىق اسسامبلەيا ءتوراعاسى عالي ەسقالييەۆ بەكىتكەن جۇمىس جوسپارىنا سايكەس، بيىلعى جىلدىڭ ءبىرىنشى توقسانىندا قوعامدىق كەلىسىم مەن جالپىۇلتتىق بىرلىكتى قامتاماسىز ەتۋ ماقساتىندا ەتنومادەني بىرلەستىكتەردىڭ، قوعامدىق كەلىسىم، اقساقالدار جانە انالار كەڭەستەرىنىڭ وتىرىستارى، شەكارالاس وڭىرلەر اراسىندا قارىم-قاتىناس ورناتۋعا باعىتتالعان كاسىپكەرلەر قاۋىمداستىعىنىڭ كەزدەسۋلەرى، جۇيەلى تۇردە وتكىزىلەتىن عىلىمي-تالداۋ، قايىرىمدىلىق جانە مەدياسيا جۇمىستارى، سونىمەن قاتار «قازاقستاننىڭ 100 جاڭا ەسىمى»، «جاڭعىرۋ جولى» جاستار مەن ەرىكتىلەر قوزعالىستارى جانە وقۋ ورىندارىنداعى «دوستىق» كلۋبتارىنىڭ ءىس-شارالارى ۇيىمداستىرىلعان بولاتىن.
سونىڭ ىشىندە، 28 قاڭتاردا وبلىستىق اسسامبلەيا جانىنداعى قازاق-ۆايناح جاستارى «دوستىق» كلۋبىنىڭ وكىلدەرى ماڭعىستاۋ كەنتىندە ءبىر قۇدىقتى تازالاپ، ەكىنشى قۇدىقتى قازىپ، مەكتەپكە اۋىز سۋ تارتىپ بەردى. وسى جاستار 21 اقپاندا ءوڭىر اۋىلدارىندا تۇراتىن از قامتىلعان وتباسىلاردىڭ 85 بالاسى ءۇشىن «سۆەتلياچوك» تۋريستىك بازاسىندا قايىرىمدىلىق اكسياسىن وتكىزدى.
بىلتىر دا، بيىل دا وبلىستىق اسسامبلەيا مۇشەلەرى پاندەميا قىسپاعىنداعى حالىققا بارىنشا قول ۇشىن سوزدى. 14 اقپاندا «جاڭعىرۋ جولى» جاستار قوزعالىسى مۇشەلەرى قيىن جاعدايدا قالعان 30 وتباسىن ازىق-تۇلىكپەن قامتاماسىز ەتىپ، بىرلەسكەن اكسيا وتكىزدى.
وبلىس اۋماعىندا مەملەكەتتىك ءتىلدى جەتىك مەڭگەرگەن وزگە ەتنوس وكىلدەرىنىڭ قاتارىن كوبەيتۋ، مەملەكەتتىك ءتىلدىڭ قولدانىس اياسىن كەڭەيتۋ، جاس ەتنوس وكىلدەرى اراسىندا قازاق ءتىلىن ۇيرەنۋ ماقساتىندا «تىلگە قۇرمەت – ەلگە قۇرمەت» اتتى چەللەندج ۇيىمداستىرىلىپ، الەۋمەتتىك جەلىلەردە جاريالاندى. بۇل ءىس-شارا 22 اقپاننان 22 ناۋرىزعا دەيىن سوزىلدى.
اق جايىق وڭىرىندە 1 ناۋرىز – العىس ايتۋ كۇنى ەرەكشە ءوتتى. ورال قالاسىنداعى «قازاق حالقىنا مىڭ العىس!» مونۋمەنتىنە ەتنومادەني بىرلەستىكتەردىڭ وكىلدەرى گۇل شوقتارىن قويدى. ءىس-شارا شەڭبەرىندە پاندەميا كەزىندە بەلسەندىلىك تانىتىپ، مۇقتاج جاندارعا قايىرىمدىلىق كومەك كورسەتكەن وبلىستىق اسسامبلەيا مۇشەلەرىنە وبلىس اكىمى اتىنان العىس حاتتار تاپسىرىلدى. وسى كۇنى ەل تاۋەلسىزدىگىنىڭ 30 جىلدىعىنا ارنالعان «30 يگى ءىس» رەسپۋبليكالىق مارافونى اياسىندا «قايىرىمدىلىق كەرۋەنى» اكسياسى ۇيىمداستىرىلىپ، 150 الەۋمەتتىك پاكەت قالانىڭ از قامتىلعان وتباسىلارىنا تاراتىلدى.
17 ناۋرىزدا «يگى ىستەر مارافونى» جوباسى اياسىندا «جاڭعىرۋ جولى» مۇشەلەرى تىل ەڭبەككەرلەرىنە، وبلىستىڭ قۇرمەتتى ازاماتتارىنا، مۇگەدەك بالاسى بار، جالعىزباستى انالارعا بارىپ، قولداۋ كورسەتتى.
«قازاقستاننىڭ 100 جاڭا ەسىمى» جوباسىنا بيىل باتىس قازاقستان وبلىسىنان 57 ادام قاتىستى. ولار – تاۋەلسىزدىك جىلدارىندا ءار سالادا تابىسقا جەتكەن ءتىلى باسقا بولسا دا تىلەگى ءبىر ەتنوستار وكىلدەرى.
الدا 1 مامىر – قازاقستان حالقىنىڭ بىرلىگى كۇنى. وسىعان وراي «تاتۋمىز ءبىز ءبىر شاڭىراق استىندا» تاقىرىبىندا عىلىمي-تاجىريبەلىك كونفەرەنسيا، «ءبىرلىگى جاراسقان ماڭگىلىك ەل» جاستار فلەشموبى، «ءبىز – قازاقستاننىڭ ءبىرتۇتاس حالقىمىز» ۆولونتەرلار قوزعالىسى، «30 يگى ءىس» اكسياسى، ەتنومادەني بىرلەستىكتەرءدىڭ «قايىرىمدىلىق كەرۋەنى» وتكەلى وتىر.
ءوڭىرىمىزدىڭ ساياسي جۇيەسىندە ماڭىزدى تۇتقا بولىپ تابىلاتىن وبلىستىق اسسامبلەيا بۇگىنگى تاڭدا بارلىق ەتنوستىڭ مۇددەسىن ورتاق مۇددەگە اينالدىرىپ، ۇلتتىق ەرەكشەلىگىنە قاراماستان، بارلىق ازاماتتىڭ قۇقىعى مەن ەركىندىگىن قامتاماسىز ەتەتىن قوعامدىق ينستيتۋت رەتىندە قالىپتاستى دەۋگە تولىق نەگىز بار.