بەلگىلى اكتەر ءارى ارالاس جەكپە-جەك شەبەرى ەركەبۇلان توقتار «قازاقستاننىڭ ەڭبەك سىڭىرگەن قايراتكەرى» اتاعىن الۋىنا قاتىستى ايتىلعان سىن-پىكىرلەرگە تۇسىنىكتەمە بەردى. بۇل تۋرالى ول جۋرناليست امان تاسىعانعا بەرگەن سۇحباتىندا ايتتى، دەپ حابارلايدى Aqshamnews.kz ءتىلشىسى.
«اتاقتى نەگە بەرگەن دەگەن سۇراق قويىلىپ جاتىر. نەگە ەكەنىن بىلمەيمىن، ول سۇراق ماعان قويىلىپ جاتىر. ونى بەرگەن ادامعا قويۋ كەرەك. «نەگە بەردىڭ؟» دەپ سۇراسىن. ال مەنەن «نەگە الدىڭ؟» دەپ سۇراسا، «ماعان بەردى، مەن الدىم» جاۋاپ بەرەمىن. ونى جوعارى جاقتاعى ادامدار شەشتى»، - دەيدى اكتەر.
ەركەبۇلان توقتار جۇرت ويلاعانداي ول اتاقتىڭ ماتەريالدىق تۇرعىدان پايداسى جوق ەكەنىن اتاپ ءوتتى.
«كەلىپ-كەتىپ جاتقان پايداسى جوق. مەن جەڭىلدىك المايمىن، مەملەكەتتەن اقشا المايمىن. تەگىن ەمدەلۋگە بولادى ەكەن دەپ ەستىپ قالدىم. مەن تەگىن ەمدەلمەيمىن، ويتكەنى ءوزىمنىڭ دارىگەرلەرىم بار، سولارعا اقشا تولەپ ءجۇرمىن. ەشقانداي جەڭىلدىك قىزىق ەمەس. كەيبىرەۋلەر ناگرادا بەرىلگەن سوڭ ۇكىمەتتەن اقشا الادى دەپ ويلايدى. ءبىر تيىن دا المايمىن، ماعان كەرەگى دە جوق. ناگرادا بەردى، قولىن قايتارمادىم. وتە قۋانىشتى بولدىم. وعان لايىقتىمىن با، جوق پا، ونى بەرگەن ادام شەشەتىن شىعار. قالعاندارى سويلەي بەرەدى. ولاردىڭ ەشقايسىنىڭ اۋزىن جاپقىم كەلمەيدى. مەن تۋرالى كوپ ايتىلعانى جاقسى. جاقسى ايتسىن، جامان ايتسىن، ماڭىزدى ەمەس. بىرەۋگە ۇنايمىن، بىرەۋگە ۇنامايمىن»، - دەپ تۇيىندەدى ول.
قازاقستان پرەمەر-مينيسترىنىڭ ورىنباسارى، مادەنيەت جانە اقپارات ءمينيسترى ايدا بالايەۆا 8 جەلتوقساندا ەركەبۇلان توقتارعا «قازاقستاننىڭ ەڭبەك سىڭىرگەن قايراتكەرى» اتاعىن تاپسىرعان بولاتىن.