كەلەسى جىلدان باستاپ زەينەتاقى مولشەرى وسەدى

زاڭ جوباسى «اشىق نقا» پورتالىندا جاريالاندى.

قارجى مينيسترلىگى دايىنداعان «2024-2026 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسى زاڭىنىڭ جوباسىندا زەينەتاقى مولشەرى، ەڭ تومەنگى كۇنكورىس دەڭگەيى مەن اەك كولەمى كورسەتىلگەن، دەپ حابارلايدى Almaty-akshamy.kz

زاڭ جوباسىنا سايكەس، 2024 جىلدىڭ 1 قاڭتارىنان باستاپ تومەندەگىدەي سوما جوسپارلانىپ وتىر:

ەڭ تومەنگى جالاقى – 70 000 تەڭگە؛

مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 28 215 تەڭگە؛

ەڭ تومەنگى زەينەتاقى – 57 853 تەڭگە؛

ايلىق ەسەپتىك كورسەتكىش – 3692 تەڭگە؛

بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن ەڭ تومەنگى كۇنكورىس دەڭگەيى – 43 407 تەڭگە.

سونداي-اق جاسىنا جانە ەڭبەك وتىلىنە بايلانىستى زەينەتاقى تولەمدەرى 9،0%-عا ارتتىرىلۋى مۇمكىن.

سونىمەن قاتار قۇجاتتا 2024 جىلعا ارنالعان الەۋمەتتىك مەديسينالىق ساقتاندىرۋ قورىنا تولەنەتىن مىندەتتى الەۋمەتتىك مەديسينالىق ساقتاندىرۋ بويىنشا مەملەكەتتىك جارنالاردىڭ مولشەرى بەلگىلەنگەن. ول مەملەكەتتىك جارنالاردى ەسەپتەۋ وبەكتىسىنىڭ 1،9%-ىن قۇرايدى.

«سونداي-اق 1 قاڭتاردان باستاپ اسكەري قىزمەتشىلەرگە (مەرزiمدi قىزمەتتەگى اسكەري قىزمەتشىلەردەن باسقا) جانە ارناۋلى مەملەكەتتىك جانە قۇقىق قورعاۋ ورگاندارىنىڭ، مەملەكەتتىك فەلدەگەرلىك قىزمەتتىڭ قىزمەتكەرلەرىنە تۇرعىنجايدى كۇتىپ-ۇستاۋعا جانە كوممۋنالدىق قىزمەتتەرگە اقى تولەۋگە اقشالاي وتەماقىنىڭ ايلىق مولشەرi 3 739 تەڭگە سوماسىندا بەلگiلەندى»، - دەلىنگەن قۇجاتتا.