1 شىلدەدەن باستاپ ورمانشىلاردىڭ ايلىعى وسەدى.
ال ماتەريالدىق-تەحنيكالىق بازاسىن 2027 جىلعا قاراي 100 پروسەنتكە جاڭارتۋ جوسپارلانعان.
بۇل تۋرالى ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءمينيستردىڭ ايتۋىنشا، ەلدەگى ورمان شارۋاشىلىعىنا 8،1 ملرد تەڭگە بولىنگەن. ال ءورتتى ەرتە انىقتاۋ جۇيەسىنە 4،1 ملرد تەڭگە قاراستىرىلعان.
«بىلتىر جانە بيىل بولعان ورتتەردە، جالپى ورمان شارۋاشىلىعى سالاسىندا قالىپتاسقان جاعدايدى كورسەتەدى. وسى ماسەلەنى مەملەكەت باسشىسى دا ايتىپ ءوتتى. ارينە، وسى ماسەلەگە بايلانىستى ءورتتى بولدىرماۋ، الدىن الۋ، سونىمەن قاتار ماتەريالدىق-تەحنيكالىق قامسىزداندىرۋ، ورمانشىلاردىڭ جالاقى ماسەلەلەرى قوسىمشا پىسىقتالادى»، - دەدى ز. سۇلەيمەنوۆا Jibek joly تەلەارناسىنىڭ «جاڭا ۋاقىت» اقپاراتتىق-ساراپتامالىق باعدارلاماسىندا.