كەلەر جىلى زەينەتاقى تاعى وسەدى

2022 جىل رەسپۋبليكالىق بيۋدجەتتە الەۋمەتتىك مىندەتتەمەلگەا 4 ترلن تەڭگە قاراستىرىلعان. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم بولدى، دەپ حابارلايدى almaty-akshamy.kz

«2022 جىلعا ارنالعان رەسپۋبليكالىق بيۋدجەتتە مەملەكەتتىڭ الەۋمەتتىك مىندەتتەمەلەرىن ورىنداۋعا 4 ترلن تەڭگە، ونىڭ ىشىندە زەينەتاقى مەن بارلىق الەۋمەتتىك جاردەماقىلاردىڭ مولشەرىن يندەكساسيالاۋعا 190،4 ملرد تەڭگە كوزدەلىپ وتىر»، - دەلىنگەن ەڭبەك مينيسترلىگى مالىمەتىندە.

بۇل 4،2 ملن ادامنىڭ تابىسىن ارتتىرادى، ونىڭ ىشىندە: - 2،3 ملن-عا جۋىق زەينەتكەرگە ىنتىماقتى زەينەتاقى مولشەرىن 7%-عا (ينفلياسيا دەڭگەيىنەن 2%-عا وزا وتىرىپ) جانە بازالىق زەينەتاقى تولەمىن 5%-عا، جالپى سوماسى 138،3 ملرد تەڭگەگە ارتتىرۋ جۇرگىزىلەتىن بولادى؛

- 1،9 ملن الۋشىعا الەۋمەتتىك جاردەماقى جالپى سوماسى 52،1 ملرد تەڭگەگە، 5%-عا ارتتىرىلادى.

بۇدان تىس ەڭ تومەنگى كۇنكورىس دەڭگەيىنىڭ ءوسۋى اتاۋلى الەۋمەتتىك كومەك الاتىن 900 مىڭنان استام ادامنىڭ كىرىس دەڭگەيىنە دە وڭ اسەر ەتەدى.

الداعى 2022 جىلعى 1 قاڭتاردان باستاپ ەڭ تومەنگى كۇنكورىس دەڭگەيىنىڭ شاماسىن جانە ايلىق ەسەپتىك كورسەتكىشتى 5%-عا يندەكساسيالاۋ جوسپارلانىپ وتىر. ناتيجەسىندە، ەتك مولشەرى 36 018 تەڭگەنى، ال اەك – 3 063 تەڭگەنى قۇرايدى.