ءماجىلىس بەكىتكەن 2025-2027 جىلدارعا ارنالعان رەسپۋبليكالىق بيۋدجەت بويىنشا كەلەر جىلدان باستاپ ەڭ تومەنگى زەينەتاقى – 62 771 تەڭگە مولشەرىندە بولادى، - دەپ حابارلايدى aqshamnews.kz.
الداعى ءۇش جىلعا ارنالعان زاڭنىڭ 9-بابىندا كورسەتىلگەندەي، 2025 جىلعى 1 قاڭتاردان باستاپ جالاقىنىڭ ەڭ تومەن مولشەرi – 85 000 تەڭگە، مەملەكەتتىك بازالىق مولشەرى – 32 360 تەڭگە، زەينەتاقىنىڭ ەڭ تومەن مولشەرi – 62 771 تەڭگە، ايلىق ەسەپتiك كورسەتكiش – 3 932 تەڭگە، ەڭ تومەنگى كۇنكورiس دەڭگەيi شاماسى – 46 228 تەڭگە دەپ بەكىتىلگەن.
"جاسىنا بايلانىستى جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە جۇمسالاتىن قاراجات 2025 جىلعى 1 قاڭتاردان باستاپ 8،5 پايىزعا كوتەرۋ كوزدەلگەن"، - دەلىنگەن قۇجاتتا.
ايتا كەتەرلىگى، وبلىستىق جانە رەسپۋبليكالىق ماڭىزى بار قالالار جانە استانانىڭ بيۋدجەتىندە مەكتەپكە دەيىنگى ءبىلىم بەرۋ ۇيىمدارى پەداگوگتەرى مەن مەديسينا قىزمەتكەرلەرىنىڭ ەڭبەگىنە تولەنەتىن اقىنى ۇلعايتۋ قاراستىرىلىپ وتىر. سونىمەن قاتار، قۇجاتتا وبلىس،اۋدان، اۋىلداعى دەنساۋلىق ساقتاۋ ۇيىمدارى جۇمىسكەرلەرىنىڭ جالاقىسىن كوتەرۋ تۋرالى دا ايتىلعان.