اتالمىش باعدارلاما بويىنشا جۇمىستار 2019 جىلدان باستاپ جۇرگىزىلۋدە.
2023 جىلدان باستاپ قازاقستاندا اۆتوجولداردى جوندەۋگە ارنالعان باعالار قولمەن ەنگىزىلمەيدى. Dorsmeta باعدارلاماسى سمەتا جاساۋ كەزىندە ادامي فاكتوردى جويادى جانە سىبايلاس جەمقورلىق تاۋەكەلدەرىن ازايتادى، حابارلايدى Almaty-akshamy.kz Inbusiness.kz سىلتەمە جاساپ.
ق ر ييدم اۆتوموبيل جولدارى كوميتەتىنىڭ تاپسىرىسى بويىنشا «قازجولعزي» اق ماماندارى رەسپۋبليكالىق ماڭىزى بار قالالىق جولدار مەن اۆتوموبيل ماگيسترالدارىن كۇتىپ ۇستاۋعا، اعىمداعى جانە ورتاشا جوندەۋگە ارنالعان باعالاردى ەسەپتەۋ پروسەستەرىن اۆتوماتتاندىرۋعا مۇمكىندىك بەرەتىن «سيفرلىق سمەتالىق جۇيەنى» قۇرۋدى جالعاستىرۋدا.
Dorsmeta باعدارلاماسى ەسەپتەۋلەردى ناقتىلاۋعا، بەلگىلى ءبىر جۇمىستاردى ورىنداۋ قۇنىن انىقتايتىن قارجىلىق قۇجاتتاردى دايىنداۋدى جەدەلدەتۋگە ارنالعان.
تاعى ءبىر ماڭىزدىلىعى – تاپسىرىس بەرۋشىلەردىڭ نەمەسە جول جوندەۋ مەردىگەرلەرىنىڭ ەسەپ ايىرىسۋ كەزىندە ادامي فاكتوردى بولدىرماۋى جانە سىبايلاس جەمقورلىق تاۋەكەلدەرىن ازايتۋى.
«بۇعان دەيىن ورتاشا جوندەۋ بويىنشا سمەتالىق قۇجاتتاما قولمەن جاسالاتىن. ءار مامان ونداعان ارنايى جيناقتى قاراپ، باعالاردى ەنگىزۋگە ءماجبۇر بولاتىن. بۇل بىرىنشىدەن ۇزاق، ەكىنشىدەن سەنىمسىز. سەبەبى، قاتەلىكتەر كەتىپ قالۋ ىقتيمالدىعى جوعارى. كوپتەگەن ستاندارتتارى بار اۆتوماتتاندىرىلعان ەسەپتەۋ جۇيەسى ۇلكەن قاتەلىكتەردىڭ الدىن الۋعا سەپتىگىن تيگىزەدى. مىسالى، ءبىر ارتىق سان ەنگىزىلىپ كەتسە، باعدارلامانىڭ ينتەرفەيسى بىردەن قاتەلىكتى كورسەتەدى»، – دەيدى «قازجولعزي» اق-نىڭ ينجەنەر-سمەتاشىسى جاينا ساماجانوۆا.
اتالمىش باعدارلاما بويىنشا جۇمىستار 2019 جىلدان باستاپ جۇرگىزىلۋدە، جوبانى 2023 جىلى پايدالانۋعا بەرۋ جوسپاردا بار.