مۇنىڭ سەبەبىن قتج ايتتى.
جولاۋشىلاردى تاسىمالداۋ قىزمەتتەرىن «جولاۋشىلار تاسىمالى» اق-دان باسقا 14 جەكە تاسىمالداۋشى كورسەتەدى.
«جولاۋشىلار تاسىمالى» اق جالپى پارك ۆاگوندارىنىڭ 78%-ى اۋانى باپتاۋ جۇيەسىمەن جابدىقتالعان. ۆاگون جاساۋشى زاۋىتتىڭ كونسترۋكسياسى بويىنشا ۆاگون پاركىنىڭ 22% اۋا باپتاۋ جۇيەسى قاراستىرىلماعان، دەپ حابارلايدى Almaty-akshamy.kz Elorda.info-عا سىلتەمە جاساپ.
«مۇنداي ۆاگونداردا اپاتتىق جاعدايلاردا اشىلاتىن جانە جولاۋشىلاردى، باگاجدى، جۇك باگاجدى جانە پوشتا جونەلتىلىمدەرىن تاسىمالداۋ ەرەجەلەرى مەن تەحنيكالىق پايدالانۋ ەرەجەلەرىنىڭ بارلىق تالاپتارىنا سايكەس كەلەتىن اپاتتىق كۋپەلەردەن باسقا بارلىق كۋپەلەردە تەرەزە اشۋ مۇمكىندىگى بار. اۋانى باپتاۋ جۇيەسى جوق ۆاگوندار الداعى جىلدارى ولاردىڭ قىزمەت ەتۋ مەرزىمىنە سايكەس الىپ تاستالادى»، - دەلىنگەن «جولاۋشىلار تاسىمالى» اق اقپاراتىندا.
بارلىق زاماناۋي ۆاگوندار اۋا باپتاعىشتارمەن جابدىقتالعان. بىلتىر «جولاۋشىلار تاسىمالى» اق مەن «ستادلەر قازاقستان» ج ش س اراسىندا 2025 جىلدان 2030 جىلعا دەيىن اۋانى باپتاۋ، بەينەباقىلاۋ جۇيەلەرىمەن، ەكولوگيالىق تازا دارەتحانا كەشەندەرىمەن، ەلەكتر روزەتكالارىمەن جانە كىرىكتىرىلگەن USB شىعىستارىمەن جابدىقتالعان 537-دەن استام جوعارى تەحنولوگيالىق ۆاگونداردى جەتكىزۋ تۋرالى ۇزاق مەرزىمدى شارت جاسالدى.
ايتا كەتەيىك، قازاقستاندا جولاۋشىلاردى تاسىمالداۋ بويىنشا قىزمەتتەردى «جولاۋشىلار تاسىمالى» اق-دان باسقا 14 جەكە تاسىمالداۋشى كورسەتەدى.