كەيبىر دارىلىك پرەپاراتتار جاسوسپىرىمدەردى ناشاقورلىققا يتەرمەلەيدى

ناشاقورلىق دەندەپ تۇر

ناشاقورلىق تىيىلماي تۇر. سوندىقتان دا ىشكى ىستەر مينيسترلىگى اتا-انالاردى ساق بولۋعا شاقىردى، دەپ حابارلايدى Almaty-akshamy.kz الماتى تەلەارناسىنىڭ سايتىنا سىلتەمە جاساپ.

ەسىرتكى قىلمىسىنا قارسى ءىس-قيمىل دەپارتامەنتىنىڭ باسقارما باستىعى باقىتجان ءامىرحانوۆتىڭ ايتۋىنشا، بۇگىندە ءدارىحانالاردا ساتىلاتىن سان الۋان پرەپاراتتىڭ كەيبىرىنىڭ قۇرامىندا ەسىرتكى زاتى بار، كەيبىرەۋىندە جوق. سوعان قاراماستان، ولار ادامدى ەسىنەن اداستىرادى. مىسالى، تروپيكاميد پەن سيكلومەد سياقتى كوزگە تامىزاتىن دارىلەردى دە ەسىرتكى زاتى رەتىندە پايدالانادى ەكەن. 

«سونىڭ ىشىندە ەڭ ءقاۋىپتىسى – «ترامادول» پرەپاراتى. بۇل – سينتەتيكالىق وپيودتى انەلگەتيك نەمەسە سينتەتيكالىق گەروين. ءدال وسى ترامادولدان ناشاقورلىق باستالادى. وعان تاۋەلدى بولعان ادامدى بىردەن انىقتاۋ قيىن. سەبەبى ناشاقور تۇماۋمەن اۋىرعانداي بولادى. ءبىر نارسەدەن ۋلانعانداي بولىپ كورىنەدى. ءجاسوسپىرىم پرەپاراتتى پايدالانسا، اتا-انا بايقاماي قالۋى دا مۇمكىن»، – دەدى ق ر ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باسقارما باستىعى باقىتجان ءامىرحانوۆ.