قازگيدرومەت ەل اۋماعىندا 6 قىركۇيەكتە بولاتىن ءقاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى Almaty-akshamy.kz.
بۇرىنعىسىنشا ەلىمىزدىڭ باسىم بولىگىندە اتموسفەرالىق فرونتالدى بولىمدەردىڭ وتۋىمەن اۋا رايىنىڭ تۇراقسىز سيپاتى ساقتالادى، جاڭبىر جاۋادى، قازاقستاننىڭ شىعىسىندا كۇندىز قاتتى جاڭبىر جاۋادى. ەلدىڭ سولتۇستىك-باتىسىندا، وڭتۇستىگىندە، وڭتۇستىك-شىعىسىندا جانە ورتالىعىندا نەگىزىنەن جاۋىن-شاشىنسىز اۋا رايى كۇتىلەدى. رەسپۋبليكا بويىنشا نايزاعاي، ەكپىندى جەل تۇرىپ، رەسپۋبليكانىڭ سولتۇستىگىندە، تاۋلى اۋدانداردىڭ وڭتۇستىك-شىعىسىندا بۇرشاق جاۋادى. ق ر سولتۇستىك-باتىستا، سولتۇستىكتە، ورتالىعىندا تۇمان تۇسەدى.
«جامبىل وبلىسىندا، قىزىلوردا وبلىسىنىڭ شىعىسىندا، وڭتۇستىگىندە، ورتالىعىندا، اتىراۋ وبلىسىنىڭ سولتۇستىك-باتىسىندا، وڭتۇستىگىندە، اقتوبە وبلىسىنىڭ باتىسىندا، باتىس قازاقستان وبلىسىنىڭ وڭتۇستىك-باتىسىندا، سولتۇستىك-باتىسىندا، سولتۇستىگىندە، شىعىسىندا توتەنشە ءورت ءقاۋپى ساقتالادى.
قاراعاندى وبلىسىنىڭ وڭتۇستىگىندە، ۇلىتاۋ وبلىسىندا، ماڭعىستاۋ وبلىسىنىڭ سولتۇستىك-باتىسىندا، وڭتۇستىگىندە جوعارى ءورت ءقاۋپى بار»، - دەپ جازدى سينوپتيكتەر.