تۇركىستان وبلىسىندا كەدەن بەكەتىنىڭ قىزمەتكەرلەرى پارا الدى دەگەن كۇدىككە ءىلىندى. سىبايلاس جەمقورلىققا قارسى قىزمەت ۆيدەو جاريالادى، - دەپ حابارلايدى اlmaty-akshamy.kz.
انتيكور مالىمەتىنشە، "قازىعۇرت" كەدەن بەكەتىنىڭ لاۋازىمدى تۇلعالارىنا قاتىستى جۇيەلى نەگىزدە پارا الۋ دەرەكەتەرى بويىنشا سوتالدى تەرگەۋ امالدارى جۇرگىزىلىپ جاتىر.
"ولار سىرتقى ەكونوميكالىق قىزمەتكە قاتىسۋشىلاردان جۇك كولىكتەرىن كەدەن بەكەتى ارقىلى كەدەرگىسىز وتكىزۋ ءۇشىن 50-دەن 200 مىڭ تەڭگەگە دەيىن پارا الدى دەگەن كۇدىككە ءىلىندى"، - دەدى انتيكور وكىلدەرى.
سوتالدى تەرگەۋ جالعاسىپ جاتىر. باسقا مالىمەتتەر قىلمىستىق ءىس جۇرگىزۋ كودەكسىنىڭ 201-بابىنا سايكەس جاريالانبايدى.