Kazakh Tourism جانە ياندەكس قازاقستان ءتۋريزمدى دامىتۋ ماقساتىندا ۇزاق مەرزىمدى سەرىكتەستىك ورناتۋ تۋرالى ۋاعدالاستى.
ىنتىماقتاستىقتىڭ ءبىرىنشى كەزەڭى شەڭبەرىندە ياندەكس كارتالارىندا Kazakh Tourism الماتى جانە استانا قالالارىنىڭ تۇرعىندارى مەن قوناقتارىنا بارۋدى ۇسىناتىن 18 ەكسكليۋزيۆتى ورىندار توپتاماسى پايدا بولدى، دەپ حابارلايدى اlmaty-akshamy.kz.
«قازاقستاننىڭ سيفرلىق پلاتفورمالارعا قاتىسۋىن ارتتىرۋ – ۇلتتىق كومپانيانىڭ باستى مىندەتتەرىنىڭ ءبىرى. سوندىقتانتەحنولوگيالىق كومپانيامەن ستراتەگيالىق سەرىكتەستىك جانە قازاقستاننىڭ تانىمال جەرلەرى تۋرالى اقپاراتتى ەڭ تانىمال كارتوگرافيالىق سەرۆيستەردىڭ بىرىندە ورنالاستىرۋ ورىندى جانە وزەكتى بولىپ تابىلادى»، – دەپ ق ر تۋريزم جانە سپورت ۆيسە-مينيسترى ە. ەركىنبايەۆ اتاپ ءوتتى.
ءار توپتاما بەلگىلى ءبىر تاقىرىپقا باعىتتالعان، مىسالى: ءداستۇرلى مەيرامحانالار، تاڭعى اس ۇسىناتىن كافەلەر، پانورامالىق كورىنىستەرى بار ورىندار، دوستارمەن كەزدەسۋگە ارنالعان ورىندار، جەرگىلىكتى برەندتەر دۇكەندەرى جانە تۇنگى ءومىر شوعىرلانعان لوكاسيالار. توپتامالار Almaty Tourism Bureau جانە Visit Astana دەرەكتەرىنە نەگىزدەلگەن جانە قازاق، اعىلشىن، ورىس تىلدەرىندە قولجەتىمدى. توپتامالار ءتىزىمى جىل بويى تولىقتىرىلادى. ولاردى كورۋ ءۇشىن «ياندەكس كارتى» قوسىمشاسىنا كىرىپ، ىزدەۋ جولاعىن باسىپ، «توپتامالار» ساناتىن اشساڭىز بولعانى. قوسىمشاداعى ءار ورىنعا دەيىن جاياۋ، كولىكپەن نەمەسە قوعامدىق كولىكپەن جەتۋگە بولاتىن باعدار قۇرۋعا بولادى.