قازاقستاندىقتار WhatsApp-تا تاراتقان اقپاراتقا سايكەس، 25 قازاندا ەل اۋماعىندا Kaspi.kz قوسىمشاسى، سونداي-اق ءموبيلدى تاكسي شاقىرۋ قىزمەتتەرى جۇمىس ىستەمەيدى. Stopfake.kz بۇل اقپاراتتىڭ جالعان ەكەنىن جازدى، دەپ حابارلايدى Almaty-akshamy.kz.
Kaspi.kz باسپا ءسوز قىزمەتى قوسىمشانىڭ ۋاقىتشا توقتاتىلاتىنى تۋرالى قاۋەسەتتى جوققا شىعاردى.
– بۇل جالعان. Kaspi.kz ونىمدەرى مەن قىزمەتتەرى شتاتتىق رەجيمدە جۇمىس ىستەپ تۇر جانە جۇمىس ىستەيدى. WhatsApp، Telegram، باسقا مەسسەندجەرلەر مەن الەۋمەتتىك جەلىلەردە تاراعان اقپارات – فەيك. سەنىمسىز دەرەككوزدەردەن الىنعان قاۋەسەتتەرگە سەنبەڭىزدەر! بارلىق ماڭىزدى اقپارات Kaspi.kz الەۋمەتتىك جەلىلەردە ءوزىنىڭ رەسمي پاراقشالارىندا جاريالايدى، – دەپ حابارلادى كومپانيا.
ءىرى ونلاين-تاكسي شاقىرۋ سەرۆيستەرىنە كەلەتىن بولساق، 2023 جىلعى 25 قازاندا ولاردىڭ قازاقستاندا ءوز جۇمىسىن توقتاتاتىنى تۋرالى ەشقانداي مالىمەت جوق. مۇنداي حابارلاندىرۋلار بۇقارالىق اقپارات قۇرالدارىندا دا، وسى قىزمەتتەردىڭ رەسمي پاراقشالارىندا دا شىققان جوق.
دەمەك، تارالعان حابارلاما فەيك.