كاسپيي تەڭىزىنە اۋەدەن بارلاۋ جۇرگىزىلدى

اتىراۋ وبلىسىندا توتەنشەلىكتەر مەن ەكولوگتار كاسپيي تەڭىزىن اۋەدەن بارلادى.

وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، «قازاۆياقۇتقارۋ» اق-نىڭ «مي-8» تىكۇشاعىمەن تەڭىزگە اۋەدەن بارلاۋ جۇرگىزۋگە سۋ بەتىندە مۇنايعا ۇقساس داقتىڭ كورىنگەنى تۋرالى اقپارات سەبەپ بولعان، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«13 ناۋرىزدا «تەڭىزشيەۆرويل» ج ش س مەن «گيدروبيولوگيا جانە ەكولوگيا» ينستيتۋتىنىڭ ماماندارى كاسپيي تەڭىزىنىڭ قازاقستاندىق سەكتورىندا جانە جاعالاۋداعى پرورۆا ايلاعى ورنالاسقان اۋماققا اۋەدەن بارلاۋ جۇرگىزىپ، 18 جانە 19-نۇكتەدە سۋ بەتىندە مۇناي ونىمدەرىنە ۇقساس داقتاردى كورگەن. وسىعان بايلانىستى 18 ناۋرىزدا وبلىستىق توتەنشە جاعدايلار دەپارتامەنتى باستىعى ءسابيت بيتايەۆ ءسابيت كەنجەحان ۇلىنىڭ توراعالىعىمەن ەكولوگيا دەپارتامەنتىنىڭ باسشىلىعىمەن بىرگە، «قازاۆياقۇتقارۋ» اق-نىڭ «مي-8» تىكۇشاعىمەن كاسپيي تەڭىزىنە اۋەدەن بارلاۋ جۇمىستارىن جۇرگىزدى. وبلىستىق ەكولوگيا دەپارتامەنتىنىڭ قىزمەتكەرلەرى زەرتحانالىق زەرتتەۋلەر ءۇشىن تەڭىز سۋىنىڭ سىنامالارىن الدى. جۇرگىزىلگەن بارلاۋ جۇمىستارى كەزىندە سۋ بەتىندە مۇناي ونىمدەرىنە ۇقساس داقتار جوق ەكەنى انىقتالدى»، - دەپ حابارلادى دەپارتامەنتتىڭ باسپا ءسوز قىزمەتى.