كاسپيي تەڭىزىندە جوعالعان بالىقشىلاردى تىكۇشاقپەن ىزدەپ جاتىر

تەمىر قايىقپەن بالىق الاۋعا شىعىپ، سودان ورالماعان

كاسپيي تەڭىزىندە جوعالعان بالىقشىلاردى 17 قۇتقارۋشى، ۆولونتەرلار مەن جوعالعانداردىڭ تۋىستارى ىزدەپ جاتىر، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.

 Lada.kz سايتىنىڭ مالىمەتىنشە، 30 ساۋىرگە قاراعان ءتۇنى 1994 جىلى تۋعان قازاقستان ازاماتى مەن 1983 جىلى تۋعان وزبەكستان ازاماتى تەمىر قايىقپەن تەڭىزگە بالىق الاۋعا شىعىپ، سودان ورالماعان.

«كاسپيي تەڭىزىنىڭ جاعالاۋىندا اقشۇكىر اۋىلىنىڭ ماڭىندا ىزدەۋ جۇمىستارىنا قايىقتارمەن 17 قۇتقارۋشى كىرىستى. سونداي-اق ىزدەۋ جۇمىستارىنا ق ر تەڭىز اسكەري كۇشتەرىنىڭ 29011 اسكەري ءبولىمىنىڭ «ورال» قاراۋىل كەمەسى جۇمىلدىرىلدى. جوعالعانداردى ق ر توتەنشە جاعدايلار مينيسترلىگىنىڭ «كازاۆياسپاس» اق –نىڭ قۇتقارۋشىلارى مي-870 تىكۇشاعىمەن دە ىزدەپ جاتىر. تىكۇشاقتىڭ بورتىندا ءتجم-نىڭ 4 وكىلى مەن جوعالعانداردىڭ تۋىسى بار»،-دەپ حابارلادى ماڭعىستاۋ وبلىستىق توتەنشە جاعدايلار دەپارتامەنتى باستىعىنىڭ ورىنباسارى بەكبولات ءابدىقادىروۆ.

وسىعان دەيىن بالىقششىلاردىڭ پاۆلودار وبلىسىندا ەرتىس وزەنىندە جوعالعانى حابارلانعان بولاتىن. كەيىنىرەك ولارامان-ەسەن تابىلدى.