كاسپيي قۇبىر كونسورسيۋمىنىڭ جۇمىسى جاندانا باستادى

بۇعان دەيىن قارا تەڭىزدەگى داۋىلدىڭ سالدارىنان كاسپيي قۇبىر كونسورسيۋمىنىڭ قۇبىر جۇيەسىنە زاقىم كەلگەن بولاتىن.

كاسپيي قۇبىر كونسورسيۋمى (كقك) جوندەۋدەن كەيىن نوۆوروسسييسك ماڭىنداعى تەڭىز تەرمينالىندا ءۇشىنشى شىعارىلاتىن ايلاق (ۆپۋ-3) جۇمىسىن قايتا باستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

رەسەيدىڭ تاسس اگەنتتىگىنىڭ مالىمەتىنشە، ۆپۋ-2 زاقىمدانعاننان كەيىن ءالى پايدالانۋعا بەرىلگەن جوق.

«2022 جىلدىڭ 23 ساۋىرىندە كقك تەڭىز تەرمينالىندا ۆپۋ-3 جوندەۋ جۇمىستارىنان كەيىن پايدالانۋعا بەرىلدى. اۋا رايىنىڭ قولايلى بولۋى قىسقا مەرزىم ىشىندە سۇڭگۋ جۇمىستارىن جۇرگىزىپ، سۋاستى قۇبىر مانيفولدىنىڭ ءتۇبىن اشۋعا مۇمكىندىك بەردى»، - دەدى كومپانيادان.

ەسكە سالساق، ناۋرىز ايىنىڭ سوڭىندا قارا تەڭىزدەگى داۋىلدىڭ سالدارىنان كاسپيي قۇبىر كونسورسيۋمىنىڭ قۇبىر جۇيەسىنە زاقىم كەلدى. بۇل قازاقستاننىڭ مۇناي ءوندىرۋ كولەمى قىسقارۋىنا الىپ كەلۋى مۇمكىن ەكەنى ايتىلدى.

كەيىن ق ر ر ەنەرگەتيكا ءمينيسترى بولات اقشولاقوۆ كاسپيي قۇبىر كونسورسيۋمىنداعى جاعدايدى باياندادى.

«جۇيەدەگى اتالعان اقاۋ كۇردەلى بولعاندىقتان، كاسپيي قۇبىر كونسورسيۋمى جۇمىسىن ۋاقىتشا توقتاتۋعا ءماجبۇر بولىپ وتىر»، - دەدى مينيسترلىك.