قوس ايلاقتا جوسپارلى تەكسەرۋ جانە جوندەۋ جۇمىستارى جۇرگىزىلمەك.
كاسپيي قۇبىر كونسورسيۋمىنىڭ مۇناي تاسىمالدايتىن 2 قۇرىلعىسى جۇمىسىن ۋاقىتشا توقتاتتى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
بۇل شارا تەڭىز تەرمينالىنىڭ اۆكاتورياسىندا ءقاۋىپتى بولۋى مۇمكىن سۋاستى زاتتارىن كادەگە جاراتۋعا دايىندىق جۇمىستارى ءۇشىن قاجەت دەلىنگەن.
كومپانيانىڭ رەسمي حابارلاماسىندا الداعى ون كۇندە تەك ءبىر قۇرىلعىدا مۇناي تيەلەتىنى جازىلعان.
ەسكە سالساق، بيىل ناۋرىزدا قارا تەڭىزدەگى داۋىلدىڭ سالدارىنان كاسپيي قۇبىر كونسورسيۋمىنىڭ قۇبىر جۇيەسىنە زاقىم كەلىپ، جۇمىسى توقتاپ قالعان ەدى. كەيىن ءساۋىردىڭ اياعىندا كونسورسيۋمنىڭ جۇمىسى قايتا جاندانعان بولاتىن.