بۇل تۋرالى «اقتاۋ تەڭىز پورتى» ارنايى ەكونوميكالىق ايماعىنىڭ باسشىسى اسحات قاباشيەۆ ارنايى بريفينگتە مالىمدەدى.
ءقازىر تەڭىزدەگى اقتاۋ، سولتۇستىك تەرمينال جانە قۇرىق پورتتارى تولىق قۋاتىمەن جۇمىس ىستەپ تۇر. وڭىرگە تەمىر جول جانە اۆتوكولىك ارقىلى جۇك تاسىمالداۋ كولەمى دە ۇلعايعان، دەپ حابارلايدى Almaty-akshamy.kz.
ەكسپورتتاۋشى كاسىپكەرلەرگە قولداۋ كورسەتىپ، جۇك تاسىمالىن ۇزبەۋ ءۇشىن، جاڭا كونتەينەر حابىن سالۋ جوسپاردا بار. بۇل جۇمىستار «اقتاۋ» پورتى ارنايى ەكونوميكالىق ايماققا وتكەننەن كەيىن جۇزەگە اسىرىلاتىن بولادى.
«ەكى جىل بۇرىن پاندەميا سالدارىنان پورتتاردا جۇك تاسىمالى كوپ بولعان جوق. ونىڭ ۇستىنە بىرنەشە تاۋارعا ەمبارگو ەنگىزىلدى. ول دا جۇك كولەمىنە تەرىس اسەر ەتتى. ءقازىر جاعداي مۇلدە باسقاشا. پورتتار تولىق جۇمىس ىستەپ تۇر. قوسىمشا كونتەينەر حابىن سالۋ ءۇشىن 19 گەكتار جەر دايىنداپ وتىرمىز»، - دەيدى «اقتاۋ تەڭىز پورتى» اەا» اق باسقارما ءتوراعاسى اسحات قاباشيەۆ.
.