ناتيجەسىندە جاڭا رەتتەۋشى ساياساتتىڭ شارتتارىنا سايكەس كەلمەيتىن 10 مىڭنان استام تالاپ انىقتالدى.
ۇكىمەت وتىرىسىندا كاسىپكەرلىك قىزمەتتى «تازا پاراقتان» رەتتەۋدى ىسكە اسىرۋ بارىسى قارالدى، دەپ حابارلايدى Almaty-akshamy.kz ۇكىمەتتىڭ رەسمي كانالىنا سىلتەمە جاساپ.
مەملەكەت باسشىسى حالىققا جولداۋىندا كاسىپكەرلىكتى جۇيەلى تۇردە قولداۋدىڭ ماڭىزدىلىعىن اتاپ كورسەتتى.
بيزنەسكە اكىمشىلىك جۇكتەمەنى بارىنشا ازايتۋ ماقساتىندا قولدانىستاعى رەتتەۋشى اكتىلەردىڭ بارىنە اۋقىمدى تالداۋ جۇرگىزىلدى.
وسى جۇمىستاردىڭ قورىتىندىسى بويىنشا مىندەتتى تالاپتار ءتىزىلىمى جاسالدى.
ءتىزىلىم قاجەت كەزدە قايتادان قارالىپ، رەتتەلىپ وتىرادى. ياعني، ورىنسىز، ءبىرىن-بىرى قايتالايتىن نەمەسە ءتيىمسىز تالاپتاردى انىقتاۋ جانە الىپ تاستاۋ جۇمىستارى تۇراقتى نەگىزدە جۇرگىزىلەدى.
مەملەكەتتىك باقىلاۋ جۇيەسىندە تاۋەكەلدەردى باعالاۋ جانە باسقارۋ جۇيەسىن اۆتوماتتاندىرۋ بويىنشا كەشەندى شارالار قابىلدانۋدا.
35 سالادا بۇل جۇمىس اياقتالدى.
ول كاسىپكەرلەردى نەگىزسىز تەكسەرۋلەردەن قورعاۋعا مۇمكىندىك بەرەدى.
«جالپى، «تازا پاراقتان» رەفورماسى بيزنەس-ورتانى رەتتەۋدىڭ تيىمدىلىگىن ارتتىرىپ، كاسىپكەرلىكتى دامىتۋعا قولايلى جاعداي جاسايدى. سوندىقتان، وسى باعىتتاعى بىرلەسكەن جۇمىستاردى ءارى قاراي جالعاستىرۋ قاجەت. ۇكىمەت بيزنەستىڭ سىندارلى ۇسىنىستارىن قولداۋعا قاشاندا دايىن. بيزنەستىڭ تۇراقتى دا تابىستى قىزمەتىنە ءبىرىنشى كەزەكتە، مەملەكەتتىڭ ءوزى مۇددەلى. كاسىپكەرلەر وسىنى سەزىنۋلەرى كەرەك»، - دەپ اتاپ ءوتتى ءاليحان سمايىلوۆ.
اتقارىلعان جۇمىستار 2029 جىلعا قاراي شاعىن جانە ورتا بيزنەستە جۇمىس ىستەيتىندەر سانىنىڭ 4،7 ملن ادامعا دەيىن وسۋىنە جانە مەملەكەتتىڭ ەكونوميكاداعى ۇلەسىن 14%-كە دەيىن تومەندەتۋگە مۇمكىندىك بەرەدى.
وسىعان بايلانىستى پرەمەر-مينيستر بيزنەسكە قويىلاتىن ارتىق تالاپتاردى جويۋ بويىنشا زاڭنامالىق وزگەرىستەردىڭ ۋاقىتىلى قابىلدانۋىن قامتاماسىز ەتۋ، زاڭعا تاۋەلدى اكتىلەرگە ءتيىستى تۇزەتۋلەر ەنگىزۋدى جىلدامداتۋ جانە ءبىرىنشى جارتىجىلدىقتىڭ سوڭىنا دەيىن مەملەكەتتىك باقىلاۋ جۇيەسىن اۆتوماتتاندىرۋ جۇمىسىن اياقتاۋ قاجەتتىگىن ايتىپ ءوتتى.