الماتى وبلىسى بويىنشا سىبايلاس جەمقورلىققا قارسى قىزمەت تالدىقورعان قالاسى اكىمدىگىنىڭ كاسىپكەرلىك ءبولىمىنىڭ لاۋازىمدى تۇلعالارى بولىپ تابىلاتىن مونيتورينگتىك توپ مۇشەلەرىنىڭ سىبايلاس جەمقورلىق ارەكەتتەرىنىڭ جولىن كەستى، دەپ حابارلايدى almaty-akshamy.kz
تالدىقورعان قالاسى اكىمدىگىنىڭ كاسىپكەرلىك ءبولىمنىڭ باسشىسى ءوزىنىڭ قاراماعىنداعى باس مامانمەن ءسوز بايلاسىپ، Covid-19 كوروناۆيرۋستىق ينفەكسيامەن كۇرەس بويىنشا داعدارىسقا قارسى شارالار كەزىندە ادامدار كوپ جينالاتىن ءىس-شارالاردى ۇيىمداستىرۋعا جانە وتكىزۋگە تىيىم سالىنعانىنا قاراماستان، قالا رەستوراتورلارى مەن جاپپاي ساۋدا وكىلدەرىنەن ولارعا قاتىستى اكىمشىلىك شارالار قابىلداماۋ ءۇشىن جۇيەلى نەگىزدە 20 مىڭنان 270 مىڭ تەڭگەگە دەيىن پارا العان.
سونداي-اق، جوعارىدا اتالعان پارا سوماسىن بەرگەن مەيرامحانالاردىڭ 5 اكىمشىسى قىلمىستىق جاۋاپكەرشىلىككە تارتىلادى.
لاۋازىمدى ادامدار ۋاقىتشا ۇستاۋ يزولياتورىنا قامالدى، بۇلتارتپاۋ شاراسىن تاڭداۋ تۋرالى ماسەلە شەشىلۋدە.
تەرگەۋ جالعاسۋدا.
قىجك-نىڭ 201-بابىنا سايكەس، تەرگەۋ مۇددەسىنە بايلانىستى باسقا دا مالىمەتتەر جاريا ەتۋگە جاتپايدى.