تەرگەۋ جۇرگىزىلىپ جاتىر.
توپ مۇشەلەرىنىڭ “قاڭتار وقيعاسىنىڭ” بەلسەندى قاتىسۋشىلارىمەن بايلانىسى بار ەكەندىگى انىقتالعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءىىم ۇلتتىق قاۋىپسىزدىك كوميتەتىمەن بىرلەسىپ، باس پروكۋراتۋرانىڭ ۇيلەستىرۋىمەن قىلمىستىق توپتاردى جويۋ بويىنشا ارنايى جۇمىستى جالعاستىرىپ جاتىر.
17 ماۋسىم كۇنى الماتى، شىمكەنت قالالارىندا جانە تۇركىستان وبلىسىندا اۋىر قىلمىستار جاساعان، سونىڭ ىشىندە كاسىپكەرلەردى بوپسالادى دەپ كۇدىككە ىلىنگەن قىلمىستىق توپتىڭ مۇشەلەرىن ۇستاۋ بويىنشا جەدەل-ىزدەستىرۋ ءىس-شارالارى جۇرگىزىلدى. توپ مۇشەلەرىنىڭ “قاڭتار وقيعاسىنىڭ” بەلسەندى قاتىسۋشىلارىمەن بايلانىسى بار ەكەندىگى انىقتالدى. پوليسياعا 20 كۇدىكتى جەتكىزىلدى. 40-تان استام ىزدەستىرۋ شارالارى وتكىزىلدى. اتىس جانە تراۆماتيكالىق قارۋ، ەسىرتكى مەن ءوق-دارى تاركىلەندى. تەرگەۋ قىلمىستىق كودەكستىڭ بىرنەشە بابى بويىنشا جۇرگىزىلۋدە. تەرگەۋ مۇددەسىندە وزگە اقپارات جاريالاۋعا جاتپايدى.