مەملەكەتتىڭ قولداۋىنسىز «قىمبات» نەسيەمەن بازاردى جاڭعىرتۋ قيىن
«بيزنەستى قورعاۋدىڭ ەكوجۇيەسى» جوباسى اياسىندا الماتى كاسىپكەرلەر پالاتاسى اكىمدىكپەن بىرلەسىپ، «تۇلپار»، «تاستاق»، «جۇلدىز»، «بارىس 4» بازارلارى مەن «كارىم» بازارىنىڭ وكىلدەرى جانە جالعا الۋشىلارىمەن كەزدەسۋ ۇيىمداستىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالاسى كاسىپكەرلەر پالاتاسىنىڭ المالى اۋداندىق فيليالىنىڭ ديرەكتورى تەمىرلان مادييەۆتىڭ ايتۋىنشا، اتالعان بازارلاردا نەگىزىنەن ازىق-تۇلىك پەن تۇرمىستىق تاۋارلار ساتىلادى.
«كاسىپكەرلەر دۇيسەنوۆ كوشەسىنەن تومەن روزىباكييەۆ كوشەسى جانە تولە بي كوشەسىنىڭ بويىنداعى زاڭسىز ساۋدا ماسەلەسىن شەشۋدى سۇرايدى. المالى اۋدانى اكىمى اپپاراتىنىڭ قىزمەتكەرى وسى جىلدىڭ سوڭىنا دەيىن الماتى قالاسىنىڭ اۋماعىندا ساۋدا ەرەجەلەرى بەكىتىلەتىنى تۋرالى تۇسىنىكتەمە بەردى. قۇجات قابىلداعاننان كەيىن پوليسيا قىزمەتكەرلەرى ستيحيالىق ساۋدا نىساندارىنا اكىمشىلىك شارالار قولدانا الاتىن بولادى»، – دەيدى ول.
كەزدەسۋ بارىسىندا «تيگروحاۋد» ءجشس-نىڭ باس ديرەكتورى جانار قۇرابايەۆا امبەباپ ساۋدا بازارلارىن جاڭعىرتۋ ماسەلەسىن كوتەردى.
«ورتا جانە شاعىن بيزنەس ءۇشىن ساۋدا ورىندارىن ساقتاۋ ماقساتىندا ءبىز ۇلتتىق ەكونوميكا مينيسترلىگىنە بازارلاردى جاڭعىرتۋ باعدارلاماسى شەڭبەرىندە 2000 شارشى مەتردەن استام ساۋدا ۇيلەرىنىڭ قۇرىلىس پۋنكتىن ەكونوميكانىڭ قولداۋ كورسەتىلەتىن سۋبسيديالاناتىن باسىم سالالارىنىڭ تىزىمىنە ەنگىزۋ تۋرالى جۇگىندىك. ءبىزدىڭ دالەلدەرىمىز تىڭدالدى جانە جوعارىدا اتالعان تارماق «دامۋ» باعدارلاماسىنا ەنگىزىلدى، الايدا 2021 جىلعى ماۋسىمدا اتالعان تارماق جوعارىدا كورسەتىلگەن تىزىمنەن الىنىپ تاستالدى، وسىعان بايلانىستى بىزگە 18 جانە ودان جوعارى پايىزبەن وتە قىمبات نەسيەلەر عانا قولجەتىمدى»، – دەدى جانار قۇرابايەۆا.
سپيكەردىڭ ايتۋىنشا، مەملەكەت قولداۋىنسىز «قىمبات» نەسيەمەن بازاردى جاڭعىرتۋدى جۇرگىزۋ كاسىپكەرلەرگە وتە قيىن.
نارىق وكىلدەرى نارىقتى جاڭعىرتۋ ماسەلەسىن «دامۋ» باعدارلاماسىنا قولداۋ كورسەتىلەتىن سالالار تىزىمىنە ەنگىزۋدى ۇسىنىپ وتىر.
سونداي-اق، كاسىپكەرلەر شوب-تى قولداۋ، اتاپ ايتقاندا، جەڭىلدىكپەن نەسيە بەرۋ، مەملەكەتتىك باعدارلامالار بويىنشا قايتارىمسىز گرانتتار ماسەلەلەرىنە قىزىعۋشىلىق تانىتتى. سونداي-اق، الماتى كاسىپكەرلەر پالاتاسىنىڭ قىزمەتكەرلەرى الداعى پرەزيدەنتتىك سايلاۋ بويىنشا ءتۇسىندىرۋ جۇمىستارىن جۇرگىزىپ، ازاماتتىق بەلسەندىلىكتى تانىتۋعا شاقىردى.
كەلەسى كەزدەسۋ «بەرەكە» بازارىندا وتەتىن بولدى.